బాబు సూపర్ సిక్స్ పేరుతో గిఫ్ట్ బాక్స్.. ఏంటి రంగయ్య ఇదీ?
దిశ డైనమిక్ బ్యూరో: ఏపీలో ఎన్నికలు దగ్గర పడుతున్న తరుణంలో ప్రధాన పార్టీల నేతలు విస్తృత ప్రచారం చేసుకుంటున్నారు. వారి పార్టీలపై ప్రచారం చేసుకోవడమే కాకుండా పక్క పార్టీలపై బురద చల్లే ప్రయత్నం చేస్తున్నాయి. గత వారంలో ఇరు పార్టీలు కండోమ్ వార్ చేసుకోగా.. ఇప్పుడు చంద్రబాబు సూపర్ సిక్స్ పేరుతో గిఫ్ట్ బాక్స్ అంటూ సోషల్ మీడియాలో ఓ వీడియో వైరల్ అవుతోంది. టీడీపీ నేతలు బూత్ కమిటీ మెంబర్లతో సూపర్ సిక్స్ పేరుతో గిఫ్ట్ బాక్స్ లు పంచుతున్నారని, ఆ బాక్స్ లో లిక్కర్ బాటిల్ తో పాటు సిగరెట్లు, చిప్స్, కండోమ్ పాకెట్ ఇంకా డబ్బులతో ఉన్న మనీ కవర్ ఉందని, వీటన్నిటిపై చంద్రబాబు, లోకేశ్ ఫోటో పెట్టారని వీడియో తీసి, పోస్టు చేశారు.
ప్రస్తుతం ఈ వీడియో సామాజిక మాద్యమాల్లో చక్కర్లు కొడుతోంది. దీంతో ఈ వీడియో జగన్ పేటీఎం బ్యాచ్ చేశారని, అలాంటివి పంచేవాళ్లు ఫోటో వేసుకుంటారా అని అంటున్నారు. ఇక ఈ వీడియో స్టార్టింగ్ లో రంగయ్య అనే పేరు చెబుతూ.. గిఫ్ట్ బాక్స్ ఓపెన్ చేయగా, ఆ పేరుకి వీడియోలో ఉన్న మనిషికి సంబందం లేకుండా ఉందని, ఇలాంటి చిల్లర పనులు పేటీఎం బ్యాచ్ మాత్రమే చేస్తుందని ట్విట్టర్ వేదికగా రీట్వీట్లు చేస్తూ కామెంట్లు పెడుతున్నారు.
