బిగ్ బ్రేకింగ్ : రాజీనామాపై నోరు విప్పిన మేడ్చల్ జడ్పీ చైర్మన్..

దిశప్రతినిధి, మేడ్చల్ : మంత్రి మల్లారెడ్డి ఏకపక్ష నిర్ణయాల వలన మనస్తాపం చెందిన మేడ్చల్ జడ్పీ చైర్మన్ మలిపెద్ది శరత్ చంద్రారెడ్డి రాజీనామాకు సిద్ధపడిన విషయం తెలిసిందే. అందుకు సంబంధించిన పలు పోస్టులు సోషల్ మీడియాలో వైరల్ అయ్యాయి. అయితే, జడ్పీ చైర్మన్ నిర్ణయం నిజమా కదా..? అని అనేక సందేహాలు నెలకొనగా ఎట్టకేలకు దీనిపై జడ్పీ చైర్మన్ శరత్ చంద్రారెడ్డి స్పందించారు. కార్యకర్తలతో చర్చించి తుది నిర్ణయం తీసుకుంటానని ప్రకటించారు.

మంత్రి మల్లారెడ్డి ఒంటెద్దు పోకడలకు నిరసనగా రాజీనామాకు సిద్దపడ్డాను. తాను జడ్పీటీసీగా ప్రాతినిధ్యం వహిస్తున్న సొంత మండలం ఘట్ కేసర్‌లో తనను సంప్రదించకుండా, కార్యకర్తల మనోభావాలకు విలువ ఇవ్వకుండా మండల ప్రెసిడెంట్‌ను మంత్రి ఎలా డిక్లేర్ చేస్తారు. మంత్రి కావాలనే తనను అవమాన పరుస్తున్నాడు. ప్రస్తుతం తాను కార్యకర్తలతో మాట్లాడుతున్నానని, వారి అభిప్రాయం మేరకు తుది నిర్ణయం తీసుకుంటానని జడ్పీఛైర్మన్ శరత్ చంద్రా రెడ్డి ‘దిశ’ప్రతినిధికి వివరించారు.