యశ్ నెక్స్ట్ ప్రాజెక్ట్.. ఆ టాప్ డైరెక్టర్‌తోనా?

దిశ, వెబ్ డెస్క్ :
కన్నడ స్టార్ హీరో యశ్.. కేజీఎఫ్ సినిమాతో పాన్ ఇండియా స్టార్ అయిపోయాడు. ఈ సినిమాతో ఇండియన్ బాక్సాఫీస్‌ను షేక్ చేసిన యశ్.. ఇప్పుడు సీక్వెల్‌తో రెడీ అయిపోతున్నాడు. ఇప్పటికే ‘KGF 2’ సినిమా షూటింగ్ పైనల్ స్టేజ్‌కు చేరుకోగా.. బ్లాక్ బస్టర్ కన్‌ఫర్మ్ అని ఫిక్స్ అయిపోయింది ఇండస్ట్రీ. పైగా సినిమాలో సంజయ్ దత్, రవీనా టాండన్, ప్రకాష్ రాజ్ లాంటి మోస్ట్ టాలెంటెడ్ సీనియర్ యాక్టర్స్ ఉండడం అంచనాలను భారీగా పెంచేసింది. ప్రశాంత్ నీల్ దర్శకత్వంలో వచ్చిన సినిమా యశ్‌కు నేషనల్ హీరో ట్యాగ్ ఇవ్వగా.. కేజీఎఫ్ తర్వాత ఆ లెవల్‌లో క్రాస్ చేసే సినిమా యశ్‌కు ప్రస్తుతం ఏ డైరెక్టర్ ఇవ్వగలరనే చర్చ జరుగుతోంది.

కాగా ఇండియన్ టాప్ డైరెక్టర్స్‌లో ఒకరైన శంకర్‌తో యశ్ నెక్స్ట్ ప్రాజెక్ట్ ఉండబోతుందని కోలీవుడ్ టాక్. ఇది కూడా పాన్ ఇండియా సినిమా కాగా.. ‘ఇండియన్ 2’ సినిమా తర్వాత ఈ ప్రాజెక్ట్ డీల్ చేస్తాడని సమాచారం. చాలా మంది హీరోలకు తన సినిమాలతో స్టార్‌డమ్ ఇచ్చిన శంకర్.. బెస్ట్ కంటెంట్‌తో వస్తే, యశ్ మరో లెవల్‌కు రీచ్ అవడం ఖాయం అంటున్నారు సినీ విశ్లేషకులు.