అలాంటి సీన్లు చేయడానికే ఇష్టపడతా : యామీ గౌతమ్

దిశ, సినిమా : బాలీవుడ్ బ్యూటీ యామీ గౌతమ్ ఫిల్మ్ మేకర్స్ తనపై పెట్టుకున్న నమ్మకానికి హ్యాపీగా ఫీల్ అవుతోంది. అనిరుద్ధ రాయ్ చౌదరీ ‘లాస్ట్’లో క్రైమ్ రిపోర్టర్‌గా కనిపించనున్న యామీ.. ‘ఎ థర్స్‌డే’ చిత్రంలో కిండర్ గార్డెన్ టీచర్‌గా, ‘దస్వీ’లో ఐపీఎస్ ఆఫీసర్‌గా నటిస్తోంది. ఈ క్రమంలో ఓ ఇంటర్వ్యూలో పాల్గొన్న యామీ.. వెర్సటైల్ రోల్స్‌ చేసేందుకే ఇష్టపడుతానని చెబుతోంది. విభిన్న ప్రాజెక్ట్‌లు చేస్తున్నందుకు గర్వంగా ఉందన్న ఆమె.. కానీ ఒక క్యారెక్టర్ నుంచి మరో క్యారెక్టర్‌కు చేంజ్ కావడం అంత ఈజీ కాదని చెబుతోంది. ‘దస్వీ’ షూటింగ్ పూర్తయిన వెంటనే ‘ఎ థర్స్‌డే’ సెట్స్‌కు వెళ్లాల్సి వచ్చిందని, ఆ వెంటనే కోల్‌కతాలో ‘లాస్ట్’ షూటింగ్‌లో జాయిన్ అయ్యానని తెలిపింది. టైట్ షెడ్యూల్స్ కారణంగా క్యారెక్టర్స్ సఫర్ కాకూడదనేది తన ఉద్దేశమన్న యామీ.. ఈ స్ట్రెస్‌ను అవాయిడ్ చేసేందుకు ఫ్యామిలీతో స్పెండ్ చేస్తానని వివరించింది.