ఆ అరటిపండు ధర ఎంతో తెలిస్తే షాక్ అవ్వాల్సిందే!

దిశ, వెబ్ డెస్క్ : సాధారణంగా మార్కెట్లో 70 రూపాయలు పెడితే డజను అరటిపండ్లు వస్తుంటాయి.అయితే న్యూయార్క్‌లో ఇటీవల జరిగిన ఓ వేలంలో ఒక అరటిపండుకు పలికిన ధర వింటే కళ్ళు తిరగాల్సిందే. గోడకు టేపుతో అతికించి ఉన్న ఆ అరటిపండును ఓ వ్యక్తి 6.24 మిలియన్‌ డాలర్ల (భారత కరెన్సీలో దాదాపు రూ.52.7 కోట్లు)కు కొనుగోలు చేసి అందరినీ ఆశ్చర్యపరిచాడు. ఇటలీ విజువల్‌ ఆర్టిస్ట్‌ మౌరిజియో కాటెలన్‌ 2019లో దీనిని సృష్టించాడు. గోడపై ఒక అరటిపండుకు టేప్‌ వేసి అతికించడం మినహా దీంట్లో ప్రత్యేకతేమీ లేదు. ఈ అరటిపండుకు ‘కమెడియన్‌’ అని పేరు పెట్టాడు. అప్పటి నుంచి ఈ బనానా వార్తల్లోకి ఎక్కగా.. తాజాగా దీనిని వేలం వేస్తే రూ. 52.7 కోట్లకు అమ్ముడుపోయి మరోసారి సంచలనం సృష్టించింది. కాగా చైనాకు చెందిన పారిశ్రామికవేత్త జస్టిన్‌ సన్‌ వేలంలో దీనిని సొంతం చేసుకున్నాడు.