అమెరికా అధ్యక్ష ఎన్నికల్లో బైడెన్‌కు మద్దతు ప్రకటించిన బిల్ గేట్స్ మాజీ భార్య

దిశ, నేషనల్ బ్యూరో: మైక్రోసాఫ్ట్ సహ-వ్యవస్థాపకుడు బిల్ గేట్స్ మాజీ భార్య మెలిండా ఫ్రెంచ్ గేట్స్ నవంబర్‌లో జరగబోయే అమెరికా అధ్యక్ష ఎన్నికలలో ప్రెసిడెంట్ జో బైడెన్‌కు మద్దతు ప్రకటించారు. ఆయన మహిళ సమస్యలను పరిష్కరించడంలో ముందు ఉంటారని మహిళలకు, కుటుంబాలకు ఉత్తమ అభ్యర్థి అని ఆమె అన్నారు. సోషల్ మీడియా ఎక్స్‌లో వ్యాఖ్యానించిన మెలిండా, నేను ఇంతకు ముందెన్నడూ అధ్యక్ష అభ్యర్థిని ఆమోదించలేదు. కానీ ఈ సంవత్సరం ఎన్నికలు మహిళలు, కుటుంబాలకు చాలా ముఖ్యమైనవి, ఈసారి నేను నిశ్శబ్దంగా ఉండలేను, బైడెన్‌కు మద్దతు ప్రకటిస్తున్నానని తెలిపారు.

మహిళలు తాము ఎదుర్కొంటున్న సమస్యల గురించి పట్టించుకునే నాయకత్వాన్ని కోరుకుంటారు. ఆ నాయకుడు మహిళల భద్రత, ఆరోగ్యం, ఆర్థిక శక్తి, హక్కులు, సమస్యల పరిష్కారానికి ప్రజాస్వామ్యంలో కట్టుబడి ఉంటారని అన్నారు. బైడెన్‌- అతని రిపబ్లికన్ ప్రత్యర్థి డొనాల్డ్ ట్రంప్ మధ్య వైరుధ్యం పెద్దగా ఉండకపోవచ్చు, నేను అధ్యక్షుడు బైడెన్‌కి ఓటు వేస్తాను అని ఆమె చెప్పారు.

2021లో బిల్ గేట్స్ దంపతులు విడాకులు తీసుకున్నారు. ఇటీవల బిల్ అండ్ మెలిండా గేట్స్ ఫౌండేషన్ అధ్యక్ష పదవికి కూడా మెలిండా రాజీనామా చేశారు. ఆమె మే నెలలో తన $12.5 బిలియన్ల సంపదను "మహిళలు, కుటుంబాలకు" సహాయం చేయడానికి ఉపయోగిస్తున్నట్లు ప్రకటించింది, దీని కోసం $1 బిలియన్ల మొదటి చెల్లింపును చేసింది. న్యూయార్క్ మాజీ మేయర్, వ్యాపారవేత్త మైక్ బ్లూమ్‌బెర్గ్ కూడా గురువారం తాను బైడెన్‌‌ను సమర్థిస్తున్నానని అన్నారు. ఆయన ప్రచారానికి $19 మిలియన్లను విరాళంగా ఇచ్చారని వాషింగ్టన్ పోస్ట్ తెలిపింది.