వాచ్ మెన్ దారుణ హత్య.. వివాదానికి కారణం అదేనా..?

దిశ, వెబ్‌డెస్క్ : శంషాబాద్ ఎయిర్ పోర్ట్ పోలీస్ స్టేషన్ పరిధిలో దారుణం చోటుచేసుకుంది. ఇద్దరు వ్యక్తుల మధ్య ఉన్న వివాదం ఒకరి ప్రాణాలను తీసింది. శంషాబాద్ మండలం గగన్ పహాడ్‌లో సోమవారం రాత్రి వాచ్ మెన్ దారుణ హత్యకు గురయ్యారు. ఒక కంపెనీలో పని చేస్తున్న అమ్రాన్ షా (27) అనే వాచ్ మెన్ పై మరో వాచ్ మెన్ కత్తితో దాడి చేశాడు. తీవ్రగాయాల పాలైన అమ్రాన్ షా చికిత్స పొందుతూ మృతిచెందాడు. కుటుంబ కలహాల నేపథ్యంలో ఈ హత్య చేసినట్లు పోలీసులు అనుమానిస్తున్నారు. హతుడు జార్ఖండ్ రాష్ట్రానికి చెందిన వ్యక్తి. శంషాబాద్ ఎయిర్ పోర్ట్ పోలీసులు కేసు నమోదు చేసుకుని, నిందితుడి కోసం గాలిస్తున్నారు.