కారులో చిల్ అవుతున్న స్టార్ వారసుడు.. వీడియో వైరల్

దిశ, సినిమా : స్టార్స్.. ఆడియన్స్‌ను రీచ్ అయ్యేందుకు ఉన్న ఏ ఒక్క అవకాశాన్నీ వదిలిపెట్టరు. ఇక సినిమా ప్రమోషన్స్ విషయంలో మీడియా, సోషల్ మీడియాను యూజ్ చేస్తూ ప్రేక్షకులను చేరే ప్రయత్నం చేస్తుంటారు. ఇదే క్రమంలో తమ వారసులను సైతం పరిచయం చేస్తూ.. వారి సినీ ప్రయాణానికి బాటలు వేస్తుంటారు.

ఇప్పుడు ఇళయ దళపతి విజయ్ కూడా ఇదే స్ట్రాటజీ ఫాలో అవుతున్నాడు. తన కొడుకు జాసన్ సంజయ్‌ను హీరోగా పరిచయం చేసేందుకు ప్రయత్నాలు మొదలుపెట్టాడు. ఈ క్రమంలో జాసన్‌కు సంబంధించిన ఏ పిక్ రిలీజైనా వెంటనే వైరల్ అవుతుండగా.. ప్రస్తుతం సోషల్ మీడియాలో ఏకంగా ఓ వీడియోనే రిలీజ్ కావడంతో విజయ్ అభిమానులు పండగ చేసుకుంటున్నారు. కారులో ఫ్రెండ్స్‌తో కలిసి పార్టీ చేసుకుంటున్న స్టార్ కిడ్.. మ్యూజిక్ బీట్‌కు తగినట్లు చిల్ అవుతూ ఎంజాయ్ చేస్తున్నాడు. ముగ్గురు బెస్ట్ ఫ్రెండ్స్‌తో కలిసి కదులుతున్న కారులోనే డ్యాన్స్ చేస్తున్న వీడియో వైరల్ అయిపోయింది.