విజయ్ ‘మాస్టర్’ డిజిటల్ ఎంట్రీ?

దిశ, వెబ్‌డెస్క్: ఇళయ దళపతి విజయ్, మక్కల్ సెల్వన్ విజయ్ సేతుపతి నటించిన చిత్రం ‘మాస్టర్’. లోకేశ్ కనకరాజ్ దర్శకత్వంలో తెరకెక్కిన ఈ మూవీ సంక్రాంతి కానుకగా ప్రేక్షకుల ముందుకు వచ్చింది. తమిళనాడులో రికార్డుల మోత మోగిస్తోన్న ఈ చిత్రంలో మాళవిక మోహనన్ హీరోయిన్. సౌత్‌లో అన్ని భాషల్లో రిలీజైన ‘మాస్టర్’ను జనాలు ఆదరిస్తున్నారు. మ్యూజిక్ సెన్సేషన్ అనిరుధ్ పాటలు ఆకట్టుకుంటున్నాయి. కాగా, ఈ మూవీ ఓటీటీ డిజిటల్ ప్రీమియర్ కోసం అంతా ఆసక్తిగా ఎదురు చూస్తున్నారు. ఇప్పటికే ఈ సినిమాను అమెజాన్ ప్రైమ్ వారు కొనుగోలు చేసినట్లుగా సమాచారం అందుతోంది.

చిత్రం రిలీజైన నెల రోజుల్లోనే ఓటీటీలో ఈ మూవీ ఎంట్రీ ఇవ్వబోతుందా? అని ఫ్యాన్స్ అనుకుంటున్నారు. అయితే అమెజాన్ ప్రైమ్‌లో విడుదలకు డిస్ట్రిబ్యూటర్లు ఒప్పుకున్నట్లు తెలుస్తోంది. మూవీ మంచి కలెక్షన్లు రాబడుతున్నా..అమెజాన్‌లో స్ట్రీమింగ్‌కు మేకర్స్ అంగీకరించారట. అన్నీ అనుకున్నట్లు సాగితే వచ్చే నెల 12న సినిమా ప్రైమ్‌లో..రాబోతుందని సమాచారం. సౌత్‌లో అన్ని భాషల్లో ‘మాస్టర్’ స్ట్రీమింగ్ అయ్యే అవకాశం ఉంది.