సీనియర్ జర్నలిస్టు వినోద్ దువా కన్నుమూత..

దిశ, న్యూఢిల్లీ: ప్రముఖ సీనియర్ జర్నలిస్టు వినోద్ దువా(67) అనారోగ్య సమస్యలతో శనివారం కన్నుమూశారు. ఈ విషయాన్ని ఆయన కుమార్తె మల్లికా దువా ఇన్‌స్టా గ్రామ్ ద్వారా వెల్లడించారు. మా నిర్భమయమైన, అసాధారణ తండ్రి చనిపోయారు. ఆయన అసమానమైన జీవితాన్ని గడిపారు. ఢిల్లీలోని శరణార్థుల కాలనీ నుంచి గత 42 ఏళ్లలో గొప్ప స్థాయికి ఎదిగారు. ఆయన ఎల్లప్పుడు కోసం నిజమే మాట్లాడారు. ఇప్పడు మా అమ్మ చెంతకు వెళ్లారు. స్వర్గంలో ఆయన భార్యతో కలిసి సంతోషంగా ఉంటారు అని పోస్ట్‌లో పేర్కొన్నారు.

హిందీ జర్నలిజ ఆద్యులలో ఒకరిగా పేరున్న వినోద్ దువా దూరదర్శన్‌, ఎన్‌డీటీవీలో పనిచేశారు. ఈ సేవలను గుర్తించిన భారత ప్రభుత్వం 2008లో పద్మశ్రీ పురస్కారంతో గౌరవించింది. జర్నలిజంలోనూ పలు అవార్డులను ఈయన సొంతం చేసుకున్నారు. కాగా, ఆదివారం మధ్యాహ్నం ఢిల్లీలోని లోథి స్మశానవాటికలో అంత్యక్రియలు నిర్వహిస్తామని మల్లికా దువా తెలిపారు.