నకలీ పులి చర్మాన్ని అమ్ముతున్న కూరగాయల వ్యాపారి అరెస్ట్
దిశ, పటాన్‌చెరు: నకిలీ పులి చర్మాన్ని సహజమైన పులి చర్మంగా నమ్మించి అమ్మడానికి ప్రయత్నించిన ఓ వ్యక్తిని పటాన్‌చెరు పోలీసులు అరెస్ట్ చేశారు. పోలీసులు తెలిపిన వివరాల ప్రకారం… నగరంలోని బహదూర్ పుర బండ్లగూడకు చెందిన కూరగాయల వ్యాపారి సుజాత్ అలీ అలియాస్ పర్వేజ్(37) ప్రస్తుతం సైదాబాద్ పూసలబస్తీలో నివాసముంటున్నాడు. తయారు చేసిన నకిలీ పులిచర్మాన్ని ఒక ప్లాస్టిక్ సంచిలో పెట్టుకుని నిజమైన పులి చర్మంగా నమ్మించి ఎక్కువ ధరకు ఎవరికైనా అమ్మేందుకు సోమవారం సాయంత్రం పటాన్‌చెరు […]
దిశ, పటాన్‌చెరు: నకిలీ పులి చర్మాన్ని సహజమైన పులి చర్మంగా నమ్మించి అమ్మడానికి ప్రయత్నించిన ఓ వ్యక్తిని పటాన్‌చెరు పోలీసులు అరెస్ట్ చేశారు. పోలీసులు తెలిపిన వివరాల ప్రకారం… నగరంలోని బహదూర్ పుర బండ్లగూడకు చెందిన కూరగాయల వ్యాపారి సుజాత్ అలీ అలియాస్ పర్వేజ్(37) ప్రస్తుతం సైదాబాద్ పూసలబస్తీలో నివాసముంటున్నాడు. తయారు చేసిన నకిలీ పులిచర్మాన్ని ఒక ప్లాస్టిక్ సంచిలో పెట్టుకుని నిజమైన పులి చర్మంగా నమ్మించి ఎక్కువ ధరకు ఎవరికైనా అమ్మేందుకు సోమవారం సాయంత్రం పటాన్‌చెరు బస్ స్టాండ్ ముందు అటూ ఇటూ తిరుగుతున్నాడు. విషయం పోలీసులకు తెలియడంతో ఎస్ఐ బి.సాయిలు, తన సిబ్బందితో కలిసి అక్కడికి వెళ్లి పర్వేజ్ ను అరెస్ట్ చేశారు. అనంతరం అతని వద్ద నుంచి నకిలీ పులి చర్మం, బైక్ ను స్వాధీనం చేసుకున్నారు. కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.