స్పీడ్‌పోస్టులో ప్రసాదం పంపిణీ

శ్రీనగర్: దేశవ్యాప్తంగా ఉన్న వైష్ణో దేవి మాత భక్తులు ఈ సారి ప్రసాదాన్ని ఇంటి వద్ద ఉండే పొందనున్నారు. జమ్ము కశ్మీర్ రియాసీ జిల్లాలోని వైష్ణో దేవి దేవస్థాన బోర్డు కరోనాను దృష్టిలో పెట్టుకుని భక్తులకు ప్రసాదాన్ని పంపిణీ చేయాలని నిర్ణయించింది. దీనికోసం పోస్టు శాఖతో ఒప్పందం చేసుకుంది.

ప్రసాదం కోసం నమోదు చేసుకున్న భక్తులకు స్పీడ్ పోస్టు ద్వారా సరఫరా చేయనుంది. మూడు కేటగిరీలుగా ఈ ప్రసాదాలను లాభాతీతంగా భక్తులకు పంపడానికి నిర్ణయం తీసుకున్నట్టు బోర్డు ఓ ప్రకటనలో పేర్కొంది. ఈ ప్రసాదాన్ని పొందలనుకునేవారు బోర్డు అధికారిక వెబ్‌సైట్‌ ద్వారా లేదా 9906019475 నెంబర్‌కు ఫోన్ చేసి బుక్ చేసుకోవచ్చునని వివరించింది.