చిన్నారులకు పేడ తినిపించిన ఆ ఇద్దరు అరెస్ట్

దిశ, పాలకుర్తి : మామిడి కాయల దొంగతనం పేరుతో ఇద్దరు చిన్నారులపై అమానుషంగా చిత్రహింసలకు గురి చేసిన వ్యక్తులపై పోలీసులు చర్యలు తీసుకున్నారు. చిన్నారుల చేతులను కట్టేసి కర్రతో కొట్టి, నోట్లో పెడ పెట్టి ముఖానికి రాసిన ఇద్దరు వ్యక్తులను అరెస్ట్ చేసినట్లు తొర్రూరు డీఎస్పీ వెంకట నారాయణ శుక్రవారం తెలిపారు.

తొర్రూరు మండలం బొట్టల తండాకు చెందిన బానోతు యాకుబు,హచుతండాకు చెందిన బానోతు రాములుపై సెక్షన్ 78/2021 u/s 324,324,594 IPC సెక్షన్ 75 ఆఫ్ ఆక్ట్ జేజే కింద అరెస్ట్ చేసి, కోర్టులో హాజరు పర్చామని డీఎస్పీ విలేకరుల సమావేశంలో తెలిపారు. 18 లోపు పిల్లలపై దాడులు చేస్తే చర్యలు తప్పవని హెచ్చరించారు. సమావేశంలో సీఐ ఎన్.కరుణాకర్ ఎస్ఐ నగేష్ పాల్గొన్నారు.