ఎల్లం గౌడ్ హత్య కేసులో మరో ఇద్దరు అరెస్ట్

దిశ, మెదక్: రౌడీ షీటర్ ఎల్లం గౌడ్ హత్య కేసులో పరారీలో ఉన్న మరో ఇద్దరు నిందితులను పోలీసులు అరెస్ట్ చేశారు. అనంతరం రిమాండ్‎కు పంపించినట్లు సిద్దిపేట రూరల్ సీఐ సురేందర్ రెడ్డి తెలిపారు. నంగునూర్ మండలం ఖానాపూర్ గ్రామానికి చెందిన చెట్టుకూరి రవి (20), సిద్దిపేటలోని రాంనగర్‎కు చెందిన కొరిమి అనిల్ కుమార్ (23)లను వారి ఇళ్లలోనే అదుపులోకి తీసుకున్నట్లు ఆయన తెలిపారు. ఎల్లం గౌడ్ హత్య కేసులో మొత్తం 8 మందిని అరెస్ట్ చేసి జ్యుడిషియల్ రిమాండ్‌కు తరలించామని సీఐ సురేందర్ రెడ్డి వెల్లడించారు.

tag: yellam Goud murder case, Two Accused, arrested, siddipet