ట్రంప్ అల్లుడికి నోబెల్ ప్రైజ్?

దిశ, వెబ్‌డెస్క్ : అమెరికా మాజీ అధ్యక్షుడు డోనాల్డ్ ట్రంప్ అల్లుడు జారేద్ కుష్‌నర్ నోబెల్ శాంతి బహుమతికి నామినేట్ అయ్యారు.గతంలో ఆయన వైట్‌హౌస్‌కు సీనియర్ సలహాదారుడిగా వ్యవహరించిన విషయం తెలిసిందే. ఆయనతో పాటు డిప్యూటీ సలహాదారు అవి బెర్కోవిట్చ్ కూడా నోబెల్ పీస్ అవార్డుకు సెలక్ట్ అయ్యారు. వీరిద్దరిని అమెరికా అటార్నీ అలన్ డేర్షోవిట్చ్ ఆ ప్రతిష్టాత్మక అవార్డుకు నామినేట్ చేసినట్లు సమాచారం.

ట్రంప్ పాలనా కాలంలో ‘అబ్రహం ఒప్పందాలు’ అని పిలువబడే ఇజ్రాయిల్, అరబ్ దేశాల మధ్య నాలుగు సాధారణీకరణ అగ్రిమెంట్స్‌పై చర్చించడంలో వీరు కృషిచేశారని.. అందులో భాగంగా నోబెల్ పీస్ అవార్డుకు నామినేట్ చేసినట్లు న్యాయవాది అలన్ డేర్షోవిట్చ్ పేర్కొన్నారు. కాగా, తనను నోబెల్ పీస్ అవార్డుకు నామినేట్ చేయడంపై జారేద్ కుష్నర్ ఆనందం వ్యక్తం చేశారు.