నోరు జారిన టీఆర్ఎస్ ఎమ్మెల్యే.. ‘దూకుడు’ డైలాగ్ మీమ్స్ వైరల్

దిశ, కామారెడ్డి : ఆరు సంవత్సరాల కాలంలో కోటి 32 లక్షల 5 వందల ఉద్యోగాలు ఇచ్చామని చెప్పిన ప్రభుత్వ విప్ గంప గోవర్ధన్ వ్యాఖ్యలపై సోషల్ మీడియాలో మీమ్స్ సృష్టిస్తున్నారు. గత డిసెంబర్ నెలలో టీఎస్‌పీఎస్సీ.. గవర్నర్‌కు ఇచ్చిన నివేదిక పేపర్ క్లిప్పింగ్, ప్రభుత్వ విప్ మాట్లాడిన.. పేపర్ కట్టింగ్‌లను ఒకచోట ఉంచి ఉద్యోగాలు ఎక్కడిచ్చారని ప్రశ్నిస్తున్నారు.దూకుడు సినిమాలో బ్రహ్మానందం ‘నా పర్ఫామెన్స్ నచ్చితే ఒక్క ఓటు వేయండి అన్న’ డైలాగ్‌తో మీమ్స్ సృష్టిస్తున్నారు. మరోవైపు శుక్రవారం విద్యార్థి సంఘాలు 48 గంటల్లో కోటి ఉద్యోగాలపై బహిరంగ చర్చకు రావాలని సవాల్ విసిరిన దానిపై ఇప్పటివరకు ఆ పార్టీ నాయకులు ఒక్కరు కూడా స్పందించలేదు. కోటి ఉద్యోగాల వ్యాఖ్యలు ఎటువైపు దారి తీస్తాయోనని పలువురు చర్చించుకుంటున్నారు.