సముద్ర తీరానికి కొట్టుకొచ్చిన భారీ తిమింగలం.. చూసేందుకు ఎగబడుతున్న జనం (వీడియో వైరల్)

దిశ, వెబ్‌డెస్క్: సముద్రంపై ఏర్పడిన వాతావరణ పరిస్థితుల వల్ల ఒక్కోసారి ఊహించని పరిణామాలు చోటుచేసుకుంటాయి. కొన్నిసార్లు ధ్వంసమైన పడవలు, అంతు చిక్కని వస్తువులు సముద్ర తీరానికి చేరుతాయి. ఈ క్రమంలోనే ఇవాళ శ్రీకాకుళం జిల్లాలో వింత చోటుచేసుకుంది. ఇచ్చాపురం మండల పరిధిలోని డోంకురు సముద్ర తీర ప్రాంతానికి ఓ భారీ తిమింగలం కొట్టుకొచ్చింది. దీంతో స్థానికులు ఈ చిత్రాన్ని చూసేందుకు భారీగా తరలివస్తున్నారు. అదేవిధంగా చుట్టుపక్కల పాఠశాలల నుంచి విద్యార్థులు సముద్ర తీరానికి చేరుకుని తిమింగలంపై ఎగురుతూ ఆటాలాడుతున్నారు. ప్రస్తుతం అందుకు సంబంధించిన వీడియో సోషల్ మీడియాలో వైరల్ అవుతోంది.