బిగ్ బ్రేకింగ్ : కేసీఆర్ చేసిన ఆ పనికి కంటతడి పెట్టిన రేవంత్..

దిశ, తెలంగాణ బ్యూరో : గజ్వేల్​పై కాంగ్రెస్ ​జెండా ఎగురవేయాలని టీపీసీసీ చీఫ్​ రేవంత్​రెడ్డి పిలుపునిచ్చారు. మూడు చింతలపల్లి గ్రామాన్ని సీఎం కేసీఆర్ దత్తత తీసుకున్నా ఇక్కడ కాంగ్రెస్ ​నేతలు స్థానిక సంస్థల్లో గెలిచారని గుర్తు చేశారు. సీఎం దత్తత గ్రామాల్లో ఒక్క సమస్య కూడా తీర్చలేదు. మూడుచింతలపల్లి, లక్ష్మాపూర్​, కేశవాపూర్​ గ్రామాలను సీఎం దత్తత తీసుకున్నా కాంగ్రెస్​ కార్యకర్తలు గెలిచారంటే ఎంత మేరకు అభివృద్ధి చేశారో అర్థమవుతుందన్నారు. కేసీఆర్ ​ఎర్రవల్లి ఫాంహౌస్​కు వెళ్లేందుకు రోడ్డు వేసుకునేందుకే ఈ మూడు గ్రామాలను దత్తత తీసుకున్నాడని ఆరోపించారు. టీఆర్ఎస్ నేతలు పింఛన్లు ఇచ్చారంటూ చెబుతున్నారని, కానీ ఈ గ్రామాల్లో ఎంత మందికి పింఛన్లు ఇచ్చారో తెలుపాలని సవాల్ ​విసిరారు. ఈ రెండు రోజులు ఇక్కడే ఉంటానని, ఎంత మందికి పథకాలు అందుతున్నాయో ఇంటింటికీ వెళ్లి చూద్దామన్నారు.

కంటతడిపెట్టిన రేవంత్ రెడ్డి..

సీఎం కేసీఆర్​ లలిత కళలను ప్రదర్శిస్తున్నాడని, చిన్న ముల్కనూర్​ను దత్తత తీసుకున్నప్పుడు అందరికీ ఇండ్లు కట్టిస్తానని చెప్పి, ఇండ్లన్నీ కూల్చివేశాడన్నారు. కానీ ఇప్పటి వరకు కనీసం ఒక్క ఇల్లు కూడా మంజూరు చేయలేదన్నారు. చిన్నముల్కనూర్​లో ఆడపిల్లలు స్నానం చేసేందుకు కూడా సౌకర్యం లేని పరిస్థితి కల్పించాడన్నారు. తాను చిన్న ముల్కనూర్​కు వెళ్లినప్పుడు సీఎం కేసీఆర్​ హామీతో ఇంటిని కూల్చివేసిన కుటుంబం బాధ నన్ను కలిచి వేసిందని రేవంత్​ రెడ్డి వివరించారు. ఆ కుటుంబం చిన్న గుడిసె వేసుకుని బతుకుతుందని, ముగ్గురు ఆడపిల్లలు స్నానాలు చేసేందుకు బాత్రూంలు లేక గుడిసె పక్కన నాలుగు తడకలు వేసుకుని స్నానాలు చేస్తుంటే పక్కపొంటి ఇండ్ల మగ పొరగాళ్లు చూస్తూ ఎగతాళి చేశారని, ఈ విషయం తనకు చెప్పుతుంటే కండ్లలో నీళ్లు తిరిగాయని రేవంత్​ రెడ్డి కంటతడి పెట్టుకున్నారు. వీటన్నింటికీ బాధ్యుడు కేసీఆర్​ అని, కేసీఆర్​ను వంగపెట్టి చెప్పుతో కొట్టాలని ఆగ్రహంతో మాట్లాడారు.