తస్మాత్ జాగ్రత్త: ఆ హీరోయిన్ నుంచి మెసేజ్ వస్తే.. మీ ఎకౌంట్ స్వాహా..

దిశ, సినిమా: యాక్ట్రెస్ టిస్కా చోప్రా ఇన్‌స్టాగ్రామ్ ఎకౌంట్ హ్యాక్ అయింది. దీంతో ఫ్యాన్స్ తన ఎకౌంట్ నుంచి వచ్చే మెసేజ్‌లు, పోస్ట్‌లకు రెస్పాండ్ కాకూడదని తెలిపిన టిస్కా.. ఆడియన్స్‌తో ఇంటరాక్ట్ కాలేకపోతున్నందుకు బాధపడింది. తన ఇన్‌స్టాగ్రామ్ ఎకౌంట్‌కు ఓ లింక్ వచ్చిందని.. దీనిపై క్లిక్ చేయగానే తన ఫ్రెండ్ లిస్ట్‌లో ఉన్న అందరికీ మెసేజ్ వెళ్లిందని తెలిపింది. ఈలోపే తన హ్యాండిల్‌లోని పోస్ట్‌లు అన్నీ డిలీట్ అయ్యాయని వివరించింది. చాలా ప్రేమగా అభిమానులతో షేర్ చేసుకున్న కంటెంట్ డిలీట్ కావడం బాధనిపించదన్న టిస్కా.. తన సోషల్ మీడియా ఎకౌంట్స్‌కు బ్యాంక్ డీటెయిల్స్ యాడ్ చేయకపోవడం మంచిదైందని తెలిపింది. లేదంటే ఎకౌంట్ ఖాళీ అవుతుండేదని చెప్పింది. కాగా, ఈ విషయంపై సైబర్ క్రైమ్ పోలీసులను ఆశ్రయించిన ఆమె.. అందరూ జాగ్రత్తగా ఉండాలని సూచించింది. తమలాంటి నటులకు ఇది పెద్ద ఇష్యూ కాదు కానీ.. సోషల్ మీడియాను నమ్ముకుని జీవిస్తూ, డబ్బులు సంపాదిస్తున్న వారి కంటెంట్ డిలీట్ అయితే జాబ్ పోయినట్లే కదా అని అభిప్రాయపడింది.