వావ్.. దేవర బ్యూటీలో ఈ యాంగిల్ కూడా ఉందా..? నెట్టింట ప్రశంసల వర్షం కురిపిస్తున్న నెటిజన్లు(పోస్ట్)

దిశ, సినిమా: అతిలోక సుందరి తనయురాలు, బాలీవుడ్ బ్యూటీ జాన్వీ కపూర్ గురించి ప్రత్యేకంగా చెప్పాల్సిన పనిలేదు. మత్తెక్కించే కళ్ళతో మెస్మరైజ్ చేస్తున్న ఈ భామ తాజాగా యంగ్ టైగర్ ఎన్టీఆర్ సరసన ‘దేవర’ మూవీలో నటించి మెప్పించింది. ఈ సినిమాతోనే ఈ అమ్మడు తెలుగు ప్రేక్షకులకు పరిచయం అయింది. ఇక ఈ చిత్రం బాక్సాఫీస్ దగ్గర కలెక్షన్ల పరంగా భారీగా వసూలు చేసిన సంగతి తెలిసిందే. ప్రస్తుతం ఈ ముద్దుగుమ్మ గ్లోబల్ స్టార్ రామ్ చరణ్ సరసన ఓ మూవీలో నటిస్తోంది. అలాగే నిత్యం సోషల్ మీడియాలో యాక్టీవ్‌గా ఉంటూ లేటెస్ట్ ఫొటోలతో, తన వ్యక్తిగత విషయాలను పంచుకుంటూ అభిమానులకు దగ్గరవుతూ ఉంటుంది. ఈ క్రమంలో ఈ బ్యూటీ పోస్ట్ నెట్టింట చక్కర్లు కొడుతోంది.

తాజాగా జాన్వీ కపూర్ ఇన్‌స్టా వేదికగా ఓ పోస్ట్ పెట్టింది. అందులో ఈ భామ సరస్వతి దేవీని పెయింటింగ్ చేసిన ఫొటోను షేర్ చేస్తూ.. ‘మా పప్పా నా పెయింటింగ్స్‌తో నన్ను ఒక స్టూడెంట్‌లా భావించి.. అతను ఆ పెయింటింగ్స్‌ను తన స్నేహితులు ఉన్న గ్రూపులకు ఫార్వార్డ్ చేసి నా లోపల దాగి ఉన్న టాలెంట్‌ను అందరికీ తెలిసేలా చేస్తాడు’ అంటూ క్యాప్షన్ రాసుకొచ్చింది. ప్రస్తుతం ఈ పోస్ట్ నెట్టింట వైరల్‌గా మారగా.. దీనిపై నెటిజన్లు ‘వావ్.. జాన్వీ నీలో ఈ టాలెంట్ కూడా ఉందా’ అంటూ ప్రశంసల వర్షం కురిపిస్తున్నారు. మరి ఇంకెందుకు ఆలస్యం మీరు కూడా ఈ పోస్ట్‌పై ఓ లుక్ వేసేయండి.