Virat Kohli అతడి వల్లే ఎదిగాడు.. కానీ ఇక్కడ అలా కాదు: షెహజాద్‌ షాకింగ్ కామెంట్స్

దిశ, వెబ్‌డెస్క్: Virat Kohli's Career took off due to MS Dhoni, Says Ahmed Shehzad| పాకిస్థాన్ మాజీ క్రికెటర్ అహ్మద్ షెహజాద్‌ తమ దేశ సీనియర్ క్రికెటర్లపై విమర్శలు గుప్పించాడు. పాక్ మాజీ క్రికెటర్లు, సీనియర్ల వల్లే నా కెరీర్ నాశనం అయ్యిందంటూ ఫైర్ అయ్యాడు. 'ఇండియన్ క్రికెట్‌లో మాజీ కెప్టెన్ ధోనీ సపోర్ట్ వల్లే విరాట్ కోహ్లీ అద్భుతంగా రాణించాడు. ధోనీ అండ వల్లే కోహ్లీ కెరీర్ ఎలాంటి అటంకాలు లేకుండా సాఫీగా సాగింది. కానీ దురదృష్టవశాత్తూ పాకిస్థాన్ క్రికెట్‌లో అలా ఉండదు. జూనియర క్రికెటర్లు ఎవరైనా అద్భుతంగా రాణిస్తే.. మన సీనియర్ ఆటగాళ్లు, మాజీ క్రికెటర్లు జీర్ణించుకోలేరు. వారికి ఎవరూ మద్దుతుగా ఉండరు. ఇది పాకిస్థాన్ క్రికెట్‌కు చాలా దురదృష్టకరం. కానీ ఇండియన్ క్రికెట్‌లో జూనియర్ క్రికెటర్లకు సీనియర్ల నుండి మద్దతు ఉంటుంది. కానీ ఇక్కడ పాకిస్థాన్ క్రికెట్‌లో మాత్రం అలా అసలు జరగదు' అంటూ సంచలన వ్యాఖ్యలు చేశాడు.

ఇక 17 ఏళ్ల వయస్సులోనే పాక్ తరపున అరంగ్రేటం చేసిన షెహజాద్.. ఎటాకింగ్ ఓపెనర్‌గా పేరు తెచ్చుకున్నాడు. చివరగా పాక్ తరపున 2019లో ఆడిన ఈ ఓపెనర్ తర్వాత మళ్లీ జట్టులో స్థానం దక్కించుకోలేకపోయాడు.