కమల్ సోలో ఎంట్రీ.. ముహూర్తం ఫిక్స్
దిశ, వెబ్‌డెస్క్: ఈ సమ్మర్‌లో విడుదలయ్యే సౌత్ ఇండియా చిత్రాల జాబితా చాలా..latest telugu news
దిశ, వెబ్‌డెస్క్: ఈ సమ్మర్‌లో విడుదలయ్యే సౌత్ ఇండియా చిత్రాల జాబితా చాలా పెద్దగానే ఉంటోంది. ఈ క్రమంలో యూనివర్సల్ హీరో కమల్ హాసన్ తన ఎంతో ఆసక్తిగా ఎదురుచూస్తున్న సినిమా 'విక్రమ్' తో సోలోగానే రావాలని నిర్ణయించుకున్నాడు. అనకునట్లుగానే మేకర్స్ ఈ చిత్రం యాక్షన్ థ్రిల్లర్‌గా జూన్ 3న థియేటర్లలోకి రాబోతున్నట్లు ప్రకటించారు.
అంతేకాకుండా మేకింగ్ గ్లింప్స్‌ను కూడా విడుదల చేశారు. వీడియోలో కమల్ హాసన్, విజయ్ సేతుపతి, ఫహద్ ఫాసిల్ ముగ్గురూ భయంకరంగా కనిపిస్తున్నారు. ఈ ముగ్గురు టాలెంటెడ్ పర్సన్‌ను ఒకేసారి తెరపై చూడటం అభిమానులకు కన్నుల పండుగగా మారనంది. విలక్షణమైన కథలను, విలక్షణమైన రీతిలో చెప్పడంలో పేరుగాంచిన దర్శకుడు లోకేష్ కనగరాజ్ 'విక్రమ్'ను యాక్షన్ మూవీగా రూపొందించారు. నాలుగేళ్ల తర్వాత కమల్ హాసన్ వెండితెరపై కనిపించనుండడంతో 'విక్రమ్' సినిమాపై హైప్ పెరిగిపోయింది. ఈ చిత్రాన్ని కమల్ హాసన్ అలాగే ఆర్ మహేంద్రన్ సంయుక్తంగా నిర్మించగా, అనిరుధ్ రవిచందర్ సౌండ్‌ట్రాక్‌లు అందించారు.