'అమ్మా.. మనం ఇండియాను షేక్ చేసినమే' విజయ్ దేవరకొండ ఆసక్తికర ట్వీట్

దిశ, వెబ్‌డెస్క్: టాలీవుడ్ హీరో విజయ్ దేవరకొండ, పూరీ జగన్నాథ్ కాంబినేషనలో వస్తున్న తాజా చిత్రం 'లైగర్'. ఇందులో కథానాయికగా అనన్య పాండే నటించగా.. సీనియర్ హీరోయిన్ రమ్యకృష్ణ విజయ్ తల్లిగా నటిస్తోంది. ఇప్పటికే ఈ మూవీ నుంచి విడుదలైన పోస్టర్స్, టీజర్ ప్రేక్షకులను ఎంతగానో ఆకట్టుకున్నాయి. ఆ చిత్రం కోసం అభిమానులు ఆతృతగా ఎదురుచూస్తున్నారు. ఇక తాజాగా ఈ సినిమా ట్రైలర్‌ను చిత్రయూనిట్ విడుదల చేసిన విషయం తెలిసిందే. దీనికి ప్రేక్షకుల నుంచి మంచి రెస్పాన్స్ వచ్చింది. విడుదలైన 24 గంటల్లోనే 50 మిలియన్స్ వ్యూస్.. 1.5 లైక్స్ రాబట్టి బిగ్గెస్ట్ ట్రైలర్ ఆఫ్ ది ఇయర్‌గా నిలిచింది.

ఈ విషయాన్ని తెలియజేస్తూ మేకర్స్ లైగర్ ట్రైలర్ స్పెషల్ వీడియో రిలీజ్ చేసిన సంగతి తెలిసిందే. అయితే లైగర్ ట్రైలర్‌కు వస్తోన్న రెస్పాన్స్‌పై నటి రమ్యకృష్ణ స్పందించారు. బిగ్గెస్ట్ ట్రైలర్ ఆఫ్ ది ఇయర్‌గా నిలిచిందంటూ ట్విట్టర్ వేదికగా ట్రైలర్ వీడియో రిలీజ్ చేయగా.. ఆమె ట్వీట్‏కు రిప్లై ఇచ్చాడు విజయ్. ''అమ్మా.. మనం ఇండియాను షేక్ చేసినమే. అంటూ రాసుకొచ్చాడు రౌడీబాయ్.