Varalakshmi Sarath Kumar: స్టార్ హీరో సినిమాలో చాన్స్ అందుకున్న తేజా సజ్జా సోదరి..

దిశ, సినిమా: స్టార్ కిడ్ (star kid)గా ఇండస్ట్రీ ఎంట్రీ ఇచ్చిన వరలక్ష్మి శరత్ కుమార్ (Varalakshmi Sarath Kumar).. అందం, అభినయం, నటనతో తనకంటూ స్పెషల్ క్రేజ్ తెచ్చుకుంది. తెలుగులో పలు చిత్రాల్లో నటించి విలక్షణ నటిగా ఫుల్ పాపులారిటీ దక్కించుకుంది. అలాగే.. ఈ ఏడాది సంక్రాంతి కానుకగా వచ్చిన ‘హనుమాన్’ (Hanuman) చిత్రంలో తేజా సజ్జా (Teja Sajja) సోదరిగా నటించి మెప్పించింది. దీంతో ప్రజెంట్ వరలక్ష్మి.. వరుస సినిమా ఆఫర్లతో దూసుకుపోతోంది. ఈ క్రమంలోనే తాజాగా ఈమె ఓ స్టార్ హీరో సినిమాలో అవకాశం అందుకున్నట్లు తెలుస్తోంది.

తమిళ స్టార్ హీరో విజయ్ (Vijay) తన లాస్ట్ చిత్రంగా ‘విజయ్ 69’ (Vijay 69) అనౌన్స్ చేసిన విషయం తెలిసిందే. హెచ్చ వినోద్ తెరకెక్కిస్తున్న ఈ సినిమాలో పూజా హెగ్దే (Pooja Hegde) హీరోయిన్‌గా నటిస్తుండగా.. ప్రకాష్ రాజ్ (Prakash Raj), ప్రియమణి (Priyamani) ప్రధాన పాత్రల్లో కనిపించనున్నారు. ప్రజెంట్ ఈ సినిమా షూటింగ్ చెన్నైలో శరవేగంగా సాగుతుంది. ఇదిలా ఉంటే.. ఈ సినిమాలో వరలక్ష్మి శరత్ కుమార్ మరో ముఖ్య పాత్రలో నటించబోతున్నట్లు టాక్. అంతే కాకుండా ప్రజెంట్ విజయ్, వరలక్ష్మి మధ్య జరిగే కొన్ని సన్నివేశాలను చిత్రీకరిస్తున్నారట చిత్ర బృందం.అయితే.. దీనికి త్వరలో అఫీషియల్ అనౌన్స్‌మెంట్ (Official Announcement) కూడా వచ్చే అవకాశం ఉందని ఫిలిమ్ వర్గాల నుంచి సమాచారం. కాగా.. విజయ్ హీరోగా నటించిన ‘సర్కార్’ సినిమాలో వరలక్ష్మి శరత్ కుమార్ ప్రతినాయకిగా యాక్ట్ చేసింది. ఈ చిత్రం మంచి విజయాన్ని అందుకోవడంతో.. వీరిద్దరు మరోసారి కలిసి నటిస్తున్నారు అనే వార్త రావడంతో ప్రేక్షకుల్లో ఆసక్తి నెలకొంది.