త్రిష న్యూ లుక్.. ఆ అందాన్ని ఆస్వాదించేందుకు రెండు కళ్లు సరిపోవట్లేదు!

దిశ, సినిమా: తమిళ స్టార్ డైరెక్టర్ మణిరత్నం డ్రీమ్ ప్రాజెక్ట్ 'పొన్నియిన్ సెల్వన్' వరుస అప్‌డేట్‌లతో అలరిస్తుంది. ఈ మూవీ సెప్టెంబ‌ర్ 30న విడుద‌ల కానుండటంతో ప్రమోషన్స్ వేగవంతం చేశారు మేకర్స్. ఈ క్రమంలో ఇప్పటికే విక్రమ్, జయం రవి, కార్తీ, ఐశ్వర్యరాయ్‌ ఫస్ట్ లుక్స్ రిలీజ్ చేయగా.. తాజాగా త్రిషకు సంబంధించిన యువరాణి 'కుందవాయి' క్యారెక్టర్ పోస్టర్ విడుదల చేశారు.

ఒంటినిండా నగలు, కళ్లలో రాజసం ఉట్టిపడేలా కనిపిస్తున్న పోస్టర్‌ను సోషల్ మీడియాలో షేర్ చేసిన లైకా ప్రొడక్షన్స్.. 'పురుషుల ప్రపంచంలో ధైర్యం ఉన్న స్త్రీ. యువరాణి కుందవాయిని పరిచయం చేస్తున్నాం. తమిళం, హిందీ, తెలుగు, మలయాళం, కన్నడ భాషల్లో థియేటర్లలో విడుదల కాబోతుంది' అని తెలిపారు. ప్రస్తుతం నెటిజన్లను అట్రాక్ట్ చేస్తున్న త్రిష లుక్ తెగ వైరల్ అవుతోంది.