KFC బ్రాండ్ అంబాసిడర్‌గా టాలీవుడ్ యంగ్ హీరో.. క్రేజీ ఫొటోలు వైరల్

దిశ, సినిమా: టాలీవుడ్ యంగ్ హీరో విజయ్ దేవరకొండ(Vijay Devarakonda) ఇటీవల ‘ఫ్యామిలీ స్టార్’ సినిమాతో ప్రేక్షకుల ముందుకు వచ్చాడు. అయితే ఈ చిత్రం విడుదలై మిక్స్‌డ్ టాక్‌ను సొంతం చేసుకుంది. ప్రజెంట్ విజయ్ VD12, మూవీతో పాటు ‘సాహిబా’ అనే అల్బమ్ సాంగ్‌లో నటిస్తున్నాడు. ఓ వైపు సినిమాలు చేస్తూనే మరోవైపు యాడ్స్ కూడా చేస్తూ మెప్పిస్తున్నాడు. తాజాగా, ఫేమస్ ఫుడ్ కంపెనీ కేఎఫ్‌సీ బ్రాండ్ అంబాసిడర్‌గా విజయ్ దేవరకొండను ఎంపిక చేశారు. నేడు ఇందుకు సంబంధించిన ఫొటో షూట్ జరగడంతో.. రౌడీ హీరో వాటిని ఇన్‌స్టాగ్రామ్ ద్వారా షేర్ చేశాడు. ఇందులో విజయ్ ఆకాశంలోని హాట్ ఎయిర్ బెలూన్‌లో KFC ఫుడ్ తింటున్నట్టు పోజులు ఇచ్చాడు. ప్రస్తుతం ఈ క్రేజీ ఫోటోలు సోషల్ మీడియాలో వైరల్‌గా మారాయి. అయితే విజయ్ KFC ఓ వీడియో యాడ్ కూడా చేసినట్లు సమాచారం.