ఘనంగా టాలీవుడ్ హీరోయిన్ పూర్ణ నిశ్చితార్థం (వీడియో)

దిశ, వెబ్‌డెస్క్: టాలీవుడ్ హీరోయిన్ పూర్ణ గురించి ప్రత్యేకంగా చెప్పాల్సిన పని లేదు. 'సీమటపాకాయ్' సినిమాతో ఇండస్ట్రీకి ఎంట్రీ ఇచ్చి అవును, లడ్డుబాబు, మొదలగు సినిమాలు చేసి తనకంటూ ప్రత్యేక గుర్తింపు తెచ్చుకుంది. ఇటీవల అఖండ మూవీతో ప్రేక్షకులను అలరించింది. అయితే, ప్రస్తుతం ఓ వైపు వివిధ టీవీ షోల్లో జడ్జిగా వ్యవహరిస్తూనే అవకాశం ఉన్నప్పుడల్లా సినిమాలో నటిస్తోంది.

ఇదిలా ఉంటే పూర్ణ ఇటీవల దుబాయ్‌కు చెందిన ప్రముఖ బిజినెస్‌ మ్యాన్‌ను పెళ్లిచేసుకుంటున్నట్లు సోషల్ మీడియా వేదికగా ప్రకటించిన విషయం తెలిసిందే. తాజాగా పూర్ణ ఎంగేజ్‌మెంట్ కేరళలో ఘనంగా జరిగింది. దీనికి సంబంధించి కొన్ని ఫోటోలను, ఓ వీడియోను పూర్ణ తన ఇన్‌స్టాగ్రామ్ ద్వారా పంచుకున్నారు. అది చూసిన నెటిజన్లు ఫుల్ ఖుషీ అవుతూ శుభాకాంక్షలు తెలుపుతున్నారు.