KTR: అంతిమయాత్రకు ఆంక్షలా?.. కాంగ్రెస్ సర్కార్‌పై కేటీఆర్ సీరియస్

దిశ, వెబ్‌డెస్క్: నాగర్‌కర్నూల్‌ జిల్లా వంగూరు మండలం కొండారెడ్డిపల్లి(Kondareddypally)కి చెందిన మాజీ సర్పంచ్‌ పాంకుంట్ల సాయిరెడ్డి (80) పురుగుల మందు తాగి ఆత్మహత్య చేసుకున్న విషయం తెలిసిందే. ఆయన అంతిమయాత్ర సోమవారం జరిగింది. భారీ పోలీసు బందోబస్తు మధ్య సాగింది. అయితే.. అంతిమయాత్రపై ఆంక్షలు విధించారంటూ బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్(KTR) సీఎం రేవంత్ రెడ్డిపై మండిపడ్డారు. ఈ మేరకు సోషల్ మీడియా వేదికగా ట్వీట్ పెట్టారు. ఇదేనా ఇందిరమ్మ రాజ్యం. ప్రజా పాలనా అంటే? అని ప్రశ్నించారు. ఒక మాజీ సర్పంచ్.. 85 ఏండ్ల పెద్ద మనిషి ఇంటికి అడ్డంగా గోడ కట్టి తొవ్వ లేకుండా చేసి, క్షోభ పెట్టి, ఆత్మహత్య చేసుకునే దుస్థితిలోకి నెట్టేసి, ఆఖరికి అంతిమ యాత్రకు కూడా ఆంక్షలు పెట్టడం ఏంటని మండిపడ్డారు.