పాకిస్తాన్ చొరబాటుదారుడి కాల్చివేత..

శ్రీనగర్: అమర్ నాథ్ యాత్ర సమీపిస్తున్న నేపథ్యంలో సరిహద్దు భద్రతా దళాలు గాలింపు చర్యలు ముమ్మరం చేశారు. జమ్ము అంతర్జాతీయ సరిహద్దు వద్ద పాకిస్తాన్ చొరబాటుదారుని సోమవారం బీఎస్ఎఫ్ సిబ్బంది కాల్చివేశారు. ఈ మేరకు సరిహద్దు బలగాలు ప్రకటన విడుదల చేశాయి. సరిహద్దుల్లో ఓ పాకిస్తాని వ్యక్తి వేగంగా భారత్ వైపు దూసుకొని వచ్చాడు. ఈ క్రమంలో వద్దని సిబ్బంది వారించిన వినిపించుకోలేదు. దీంతో తప్పని సరి పరిస్థితుల్లో కాల్పులు జరిపాం అని పేర్కొంది. మూడు రౌండ్ల కాల్పులు చేసినట్లు వెల్లడించింది. అతని వద్ద ఎలాంటి వస్తువులు లభించలేదని తెలిపింది. అంత్యక్రియల కోసం మృతదేహాన్ని పోలీసులకు అప్పగించినట్లు వెల్లడించింది. మరోవైపు దోడా పోలీసులు ఓ ఉగ్రవాదిని అరెస్ట్ చేశారు.