ఒక్క రాత్రి.. నాలుగు ఇండ్లు టార్గెట్..

దిశ, అల్వాల్: ఒక రాత్రి నాలుగు ఇండ్లు టార్గెట్ చేసి దోపిడీకి పాల్పడిన ఘటన సోమవారం తెల్లవారు జామున అల్వాల్​పోలీస్​స్టేషన్​పరిధిలో చోటు చేసుకుంది. బాధితులు తెలిపిన వివరాల ప్రకారం మచ్చ బొల్లారం లో రైల్వే ఎంప్లాయ్ కాలనీలో మూడు చోట్ల బృందావన్​ కాలనీలో ఒక ఇంట్లో దొంగతనం జరిగినట్లు తెలిపారు. ముసుగులు ధరించిన ముగ్గురు వ్యక్తులు తెల్లవారుజామున 4.30 గంటల సమయంలో ధనలక్ష్మి రెసిడెన్షియల్​లోకి చొరబడి సీసీ కెమెరాలను చూస్తూనే హోండా షైన్​బండిని తీసుకెళ్లినట్లు సీసీ కెమెరాలు ఫుటేజ్​ చూసి బాధితులు తెలిపారు. అదే కాలనీలోని తాళం వేసిన ఇంట్లో నుంచి రూ.2.25 లక్షల నగదు, 11 తులాల బంగారు ఆభరణాలు దోచుకెళ్లినటు తెలిపారు. దుండగులు తాళం వేసిన ఇండ్లనే టార్గెట్​ చేసి దోచుకెళ్లినట్లు తెలిపారు. బాధితులు పోలీసులకు ఫిర్యాదు చేయగా ఘటనా స్థలానికి చేరుకొని పూర్వపరాలు తెలుసుకొని, కేసు నమోదు చేసి దర్యాప్తు ప్రారంభించారు.