యంగ్ హీరోకు సర్‌ప్రైజ్ ఇచ్చిన సూపర్ స్టార్..

దిశ, వెబ్‌డెస్క్: 'చార్లీ 777' సినిమాతో కన్నడ యంగ్ హీరో అద్భుతమైన విజయం సాధించాడు. విడుదలైన అన్ని భాషల్లో ఈ సినిమా పాజిటివ్ టాక్‌తో దూసుకెళ్లింది. కిరణ్ రాజ్ దర్శకత్వం వహించిన ఈ సినిమా జూన్ 10న విడుదలై బాక్సాఫీస్ వద్ద మంచి వసూళ్లే సాధించింది. తాజాగా, ఈ సినిమాను సూపర్ స్టార్ రజినీకాంత్ వీక్షించాడు. అంతేగాక, సినిమా అద్భుతంగా ఉందంటూ హీరో రక్షిత్‌కు ఫోన్ చేసి సర్‌ప్రైజ్ చేశాడట. ఈ విషయాన్ని హీరో రక్షిత్ శెట్టి తన ట్విట్టర్ ద్వారా అభిమానులతో పంచుకున్నారు.

'ఈరోజు ఎంతో గొప్పగా మొదలైంది. రజినీకాంత్‌ సర్‌ ఫోన్‌ చేశారు. నిన్న రాత్రి '777 చార్లీ' చూసి అద్భుతంగా ఉందని ఫీలయ్యారు. సినిమాను అంత క్వాలిటీగా, ఎంతో లోతుగా టచ్ చేసేలా తీయడం, క్లైమాక్స్‌ తెరకెక్కించిన విధానం, ఆధ్యాత్మిక కోణంలో ముగించడం బాగుందని మెచ్చుకున్నారు. సూపర్ స్టార్ నోటి నుంచి అలాంటి మాటలు వినడం ఎంతో సంతోషంగా అనిపించింది.. థాంక్యూ రజినీకాంత్‌ సర్‌' అంటూ ట్విట్టర్ వేదికగా చెప్పుకొచ్చాడు. అది చూసిన నెటిజన్స్ మీమ్స్ చేస్తూ రెచ్చిపోతున్నారు.