Allu Arjun: ఇకపై నో రెస్ట్ అంటున్న అల్లు అర్జున్.. ఆనందంలో ఫ్యాన్స్

దిశ, సినిమా: ఫ్యాన్స్ ఎంతగానో ఎదురు చూస్తున్న టైం రానే వచ్చింది. ‘పుష్ప-2’ (Pushpa-2) థియేటర్లలో సందడి చేసేందుకు సమయం ఆసన్నమైంది. ఐకాన్‌ స్టార్‌ అల్లు అర్జున్‌ (Allu Arjun), డైరెక్టర్‌ సుకుమార్‌ (Director Sukumar) కాంబోలో వస్తున్న ఈ ఇండియన్‌ బిగ్గెస్ట్‌ ఫిలిమ్ ‘పుష్ప-2’ ను మైత్రీ మూవీ మేకర్స్‌ పతాకంపై ఇండియాస్‌ ఫేమస్‌ ప్రొడ్యూసర్స్‌ నవీన్‌ ఎర్నేని, యలమంచిలి రవిశంకర్‌లు అత్యంత ప్రతిష్టాత్మకంగా నిర్మిస్తున్నారు. ఇక ఇప్పటికే ఈ చిత్రం నుంచి వచ్చిన ప్రతి అప్‌డేట్ ఆకట్టుకోగా.. ఇటీవల బీహార్ (Bihar)లోని పాట్నా (Patna)లో జరిగిన బిగ్గెస్ట్‌ ట్రైలర్‌ ఈవెంట్‌ (Biggest Trailer Event) సినిమాపై క్రేజ్‌ మరింత పెరిగింది. ఇప్పుడు ఈ చిత్రం రిలీజ్ సమయం దగ్గర పడటంతో ప్రమోషన్స్‌లో జోరు పెంచారు చిత్ర బృందం. ఇందులో భాగంగా.. తాజాగా కేరళలోని కొచ్చిలో ఈవెంట్ నిర్వహించారు.

ఈ సందర్భంగా అల్లు అర్జున్ మాట్లాడుతూ.. ‘మూడేళ్లుగా ఈ సినిమాతో ప్రయాణం చేస్తున్న. ఈ మూవీ నాకెంతో ప్రత్యేకమైనది. ఇందులో ఫహాద్ (Fahad)కు నాకు మధ్య వచ్చే సీన్స్ అందరిని ఆకట్టుకుంటాయి. ముఖ్యంగా ఫహాద్ నటన మలయాళ (Malayalam) ప్రేక్షకులంతా గర్వించే విధంగా ఉంటుంది. అలాగే.. మలయాళ ప్రేక్షకులకు ఈ సినిమాలో ఓ సర్‌ప్రైజ్ (surprise) కూడా ఉంటుంది. ఓ పాట మలయాళ లిరిక్స్‌తో స్టార్ట్ అయ్యేలా సిద్ధం చేశాం. అది అన్ని భాషల్లోనూ అదే లిరిక్‌తో వస్తోంది’ అని తెలుపుతూ.. ‘ఇకపై ఎక్కువ బ్రేక్ లేకుండా వరుస సినిమాలతో మీ ముందుకు వచ్చే ప్రయత్నం’ చేస్తా అని చెప్పుకొచ్చారు. కాగా.. ప్రపంచవ్యాప్తంగా ఉన్న సిని లవర్స్ ఎంతో ఈగర్‌గా ఎదురుచూస్తున్న ‘పుష్ప-2’ మూవీ డిసెంబర్ 5న గ్రాండ్‌గా రిలీజ్ కానుంది. ఇందులో నేషనల్ క్రష్ రష్మిక మందన్న హీరోయిన్‌గా నటిస్తుండగా.. డ్యాన్సింగ్ క్వీన్ శ్రీలీల స్పెషల్ సాంగ్‌లో కనిపించనుంది.