ముంబైలో కరోనా కల్లోలం..35% శాతం పెరిగిన రోజువారీ కేసుల సంఖ్య

దిశ, వెబ్‌డెస్క్: భారతదేశ ఆర్ధిక రాజధాని ముంబైలో కరోనా మరోసారి పంజా విసురుతోంది. రోజురోజుకు కేసుల సంఖ్య గణనీయంగా పెరుగుతుంది. గడిచిన 24 గంటల్లో 1,781 కొత్త పాజిటివ్ కేసులు నమోదయ్యాయి. ఈ పెరుగుదల సోమవారంతో పోల్చుకుంటే 35.95% ఎక్కువ అలాగే మొత్తం పెరుగుదలలో ఇది 13.88% ఎక్కువగా ఉంది. ప్రస్తుతం ముంబై మహా నగరంలో 14,146 కరోనా యాక్టివ్ కేసులు ఉన్నాయి. కరోనా కేసుల పెరుగుదల రేటు ఇలాగే కొనసాగితే.. రాష్ట్రంలో, అలాగే.. దేశంలో మరో కొత్త వేవ్ వచ్చే అవకాశం ఉన్నట్లు ఆరోగ్య నిపుణులు హెచ్చరిస్తున్నారు.