నిద్రపుచ్చే స్మార్ట్‌మ్యాట్రెస్ రూపొందించిన సైంటిస్ట్స్!

దిశ, ఫీచర్స్ : నిద్రవేళ సమీపిస్తున్నప్పుడు మన శరీర ఉష్ణోగ్రత తగ్గడం ప్రారంభమవుతుందని తెలిసిన విషయమే. కాగా ఈ దృగ్విషయం ఆధారంగా మిమ్మల్ని గాఢ నిద్రలోకి నెట్టేందుకు శాస్త్రవేత్తలు ఓ స్మార్ట్ పరుపును రూపొందించారు. ట్రయల్ కూడా ఆశాజనక ఫలితాలను అందించిందని తెలిపారు.

వాస్తవానికి మన జీవితంలో దాదాపు మూడింట ఒక వంతు నిద్రపోతున్నాం. మెమొరీ ప్రాసెసింగ్, భావోద్వేగ స్థిరత్వం, మెదడు 'క్లీనింగ్ సైకిల్' నిద్రతో అనుసంధానించబడ్డాయి. అందువల్ల ఓ మనిషికి నిద్ర ఎంత ముఖ్యమో ప్రత్యేకంగా చెప్పనక్కర్లేదు. కానీ ఇటీవల కాలంలో చాలామంది నిద్ర లేమితో బాధపడుతున్నారు ఈ నేపథ్యంలో ఆస్టిన్‌లోని 'యూనివర్శిటీ ఆఫ్ టెక్సాస్‌'కు చెందిన పరిశోధకులు రెండు రకాల స్మార్ట్ మ్యాట్రిసెస్ రూపొందించారు. ఇందులో ఒకటి కూలింగ్, హీటింగ్ ఎలిమెంట్స్ ద్వారా వినియోగదారుల్లో నిద్రపోయే అనుభూతులను ప్రేరేపించేలా రూపొందించగా, రాత్రిపూట అంతర్గత శరీర ఉష్ణోగ్రతను తగ్గించడం ద్వారా శరీరానికి ఇది నిద్రా సమయమని సూచిస్తుంది.

సెకండ్ వెర్షన్ :

ఇక డ్యుయల్-జోన్ మ్యాట్రెస్ వార్మింగ్ పిల్లోను శరీర కేంద్ర ప్రాంతాలు చల్లబరిచేందుకు.. చేతులు, కాళ్లు, మెడను వేడిగా ఉంచేలా రూపకల్పన చేశారు. ఇది మానవులకు ముఖ్యమైన శారీరక థర్మోస్టాట్ కాగా రక్త ప్రవాహాన్ని పెంచడం సహా శరీర వేడిని మెరుగుపరిచే ప్రభావాన్ని కలిగి ఉంటుంది. కాబట్టి శరీర ఉష్ణోగ్రతను మరింత సమర్థవంతంగా నియంత్రిస్తుంది. ఈ మేరకు సర్వికల్ స్పైన్ (గర్భాశయ వెన్నెముక) శరీరానికి ఒక సంకేతాన్ని పంపడం ద్వారా చేతులు, పాదాలకు రక్త ప్రవాహాన్ని పెరగడంతో కోర్ ఉష్ణోగ్రత తగ్గి, నిద్రను వేగవంతం చేస్తుంది. రక్త ప్రవాహాన్ని సమర్థంగా నిర్వహించడం వల్ల ఇది రక్తపోటును కొద్దిగా తగ్గేలా చేస్తుంది' అని పరిశోధకుల బృందం వెల్లడించింది.

11 విషయాలతో కూడిన ట్రయల్‌లో రెండు రకాల మ్యాట్రెసెస్‌లను పరీక్షించిన బృందం వీటివల్ల సాధారణం కంటే రెండు గంటలు ముందుగా నిద్రపోయారని వెల్లడించారు. సుమారు 58% వేగంగా నిద్రపోయేలా చేసిందని, మెరుగైన నిద్ర నాణ్యత కూడా అందించిందని శాస్త్రవేత్తలు కనుగొన్నారు. ప్రస్తుతం ఈ స్మార్ట్ మ్యాట్రెస్‌పై పేటెంట్ కోసం ప్రయత్నిస్తున్న బృందం త్వరలోనే వీటిని కమర్షియల్‌గా వాణిజ్య మార్కెట్‌లో అందుబాటులోకి తీసుకువచ్చే ప్రయత్నంలో ఉంది.