హైదరాబాద్ మీడియాకు క్షమాపణ చెప్పిన స్టార్ హీరో..

దిశ, వెబ్‌డెస్క్: కన్నడ స్టార్ హీరో కిచ్చా సుదీప్ గురించి ప్రత్యేకంగా చెప్పాల్సిన పని లేదు. కన్నడలోనే కాకుండా తెలుగులోనూ అనేక సినిమాల్లో నటించి మంచి గుర్తించి సంపాదించుకున్నాడు. ప్రస్తుతం కిచ్చా సుదీప్ బాలీవుడ్ బ్యూటీ జంటగా నటిస్తున్న తాజా చిత్రం 'విక్రాంత్ రోనా'. ఈ మూవీకి అనూప్ భండారి దర్శకత్వం వహించారు. ఈ చిత్రం జూలై 28న ప్రపంచ వ్యాప్తంగా విడుదల కానుంది. అయితే, విడుదల తేదీ దగ్గర పడటంతో చిత్రయూనిట్ ప్రమోషన్స్ స్టార్ట్ చేసింది. అందులో భాగంగా ఈరోజు హైదరాబాద్, చెన్నై, కొచ్చిన్ తదితర నగరాల్లో ప్రెస్‌మీట్లు నిర్వహించాల్సి ఉంది. అయితే హీరో సుదీప్ కూడా పాల్గొనాల్సి ఉండగా.. ఉన్నట్లుండి సుదీప్ అస్వస్థకు గురికావడంతో ప్రెస్‌మీట్లను రద్దు చేశారు చిత్రబృందం.

దాంతో హీరో కిచ్చా సుదీప్ ట్విట్టర్ ద్వారా టాలీవుడ్, కోటీవుడ్ మీడియాలకు క్షమాపనలు చెప్పారు. ''అనారోగ్యం కారణంగా ప్రయాణాలు చేయలేకపోతున్నా. దీనివల్ల హైదరాబాద్, చెన్నై, కొచ్చిన్‌లో జరగాల్సిన ప్రెస్‌మీట్స్ అన్నింటినీ రద్దు చేస్తున్నా. మీడియా మిత్రులందరికీ క్షమాపణలు చెబుతున్నా. కోలుకున్న వెంటనే ప్రెస్‌మీట్స్ లో పాల్గొంటా. త్వరలో మీ అందరినీ కలుపుకునేందుకు ఎదురుచూస్తున్నా'' అంటూ చెప్పుకొచ్చాడు.