నేను ఎవరినీ అడుక్కోవట్లేదు.. రూమర్స్‌పై నటి సీరియస్
దిశ, సినిమా : ఇటీవల క్యాన్సర్‌‌తో పోరాడి గెలిచిన సోనాలి బింద్రే.. మళ్లీ కెరియర్‌పై ఫోకస్ చేస్తోంది..Latest Telugu News
దిశ, సినిమా : ఇటీవల క్యాన్సర్‌‌తో పోరాడి గెలిచిన సోనాలి బింద్రే.. మళ్లీ కెరియర్‌పై ఫోకస్ చేస్తోంది. ఈ క్రమంలోనే ఆమె నటించిన 'ది బ్రోకెన్‌ న్యూస్‌' వెబ్‌సిరీస్‌ జూన్‌ 10న జీ5లో విడుదలై పాజిటివ్ టాక్ సొంతం చేసుకుంది. ఈ సందర్భంగా మీడియాతో మాట్లాడిన నటి.. తనపై వస్తున్న పుకార్లను ఖండించింది. విషయానికొస్తే.. సోనాలి ఆర్థిక ఇబ్బందుల్లో కూరుకుపోయిందని, సినిమా చాన్స్‌ల కోసం దర్శక నిర్మాతల చుట్టూ ప్రదక్షిణలు చేస్తోందని ఇండస్ర్టీలో రూమర్స్ క్రియేట్ అయ్యాయి.
అయితే ఈ వార్తల పట్ల షాక్ తిన్న సోనాలి.. అవన్నీ అవాస్తవాలంటూ కొట్టిపారేసింది. అంతేకాదు ఎకనామికల్‌గా తనకెలాంటి ఇబ్బందులూ లేవని, ఎవరినీ అడుక్కోవాల్సిన అవసరం లేదని ఫైర్ అయింది. ప్రస్తుతం మంచి కథలకోసం వెయిట్ చేస్తున్నట్లు తెలిపిన నటి.. రెండు మూడు సినిమాలకు సైన్ చేసినట్లుగా వస్తున్న వార్తల్లో నిజం లేదని స్పష్టం చేసింది.