ఎద్దుల బండిని ఢీ కొట్టిన ఆర్టీసీ బస్సు.. వ్యక్తికి గాయాలు..

దిశ, ఎర్రవల్లి : ఎర్రవల్లి మండల పరిధిలోని పూటన్ దొడ్డి గ్రామ సమీపంలో 44వ జాతీయ రహదారి పై కాడెద్దుల బండిని ఆర్టీసీ బస్సు ఢీ కొట్టింది. ఈ ప్రమాదంలో ఒక ఎద్దు మృతి చెందింది. ఎర్రవల్లి మండలం పుటాన్ దొడ్డి గ్రామానికి చెందిన కత్తే రాజేష్ తన రోజువారి కార్యకలాపాలను నిమిత్తం ఎద్దుల బండిని తోలుకొని జాతీయ రహదారి పక్కన వున్న పొలం పనులకు వెళుతున్నాడు. ఇదే సమయానికి కర్నూల్ నుండి గద్వాలకి వెళ్తున్న గద్వాల డిపోకు చెందిన ఆర్టీసీ బస్సు ఎదురుగా వస్తున్నా ఎద్దుల బండిని ఢీకొట్టడంతో బండి పల్టీలు కొట్టింది. ఈ ప్రమాదంలో ఒక ఎద్దు అక్కడికక్కడే మృతి చెందింది. ఎద్దుల బండి తోలుతున్న రాజేష్ విద్యావతి స్వల్ప గాయాలతో ప్రమాదం నుండి బయటపడ్డాడు. మరణించిన ఎద్దు విలువ సుమారు లక్ష రూపాయలు ఉంటుందని బాధితుడు తెలిపారు.