Shiva Karthikeyan: భార్యకు స్టార్ హీరో సర్‌ప్రైజ్.. నెట్టింట ఆకట్టుకుంటున్న వైఫ్ రియాక్షన్ (వీడియో)

దిశ, సినిమా: కోలీవుడ్ స్టార్ హీరో శివ కార్తికేయన్ గురించి ప్రత్యేక పరిచయం అక్కర్లేదు. సినిమా ఇండస్ట్రీలో ఎటువంటి బ్యాక్ గ్రౌండ్ లేకుండా వచ్చి నేడు స్టార్‌గా రాణిస్తున్నాడు. రేడియో జాకీగా కెరీర్ స్టార్ట్ చేసిన ఈయన నేడు సినిమాల్లో హీరోగా నటించే స్థాయికి చేరాడంటే అది మామూలు విషయం కాదనే చెప్పాలి. ఇక రీసెంట్‌గా శివ కార్తికేయన్ హీరోగా నేచురల్ బ్యూటీ సాయిపల్లవి హీరోయిన్‌గా తెరకెక్కిన తాజా చిత్రం అమరన్. ఈ సినిమాలో కార్తికేయన్ ఆర్మీ ఆఫీసర్‌గా నటించాడు. దీపావళి కానుకగా థియేటర్లలో రిలీజైన ఈ మూవీ నేడు బ్లాక్ బస్టర్ హిట్ టాక్‌తో దూసుకుపోతోంది.

అయితే ఈ మూవీ విజయం సాధించడంతో హ్యాపీగా ఉన్న హీరో కార్తికేయన్ తన భార్యకు సర్‌ప్రైజ్ ఇచ్చారు. ఆమె కిచన్‌లో బిజీగా ఉండగా ఆర్మీ డ్రెస్‌తో వెళ్లి ఆమెకు బ్యాక్ సైడ్‌ నిలబడ్డారు. ఇక సడెన్‌గా వెనక్కి తిరిగిన ఆర్తి భర్తను చూసి ఆశ్చర్యానికి, ఆనందానికి లోనయ్యారు. ప్రస్తుతం ఈ వీడియో సోషల్ మీడియాలో వైరల్ అవుతుండగా.. నెటిజన్లు హార్ట్ సింబల్‌తో క్యూట్ అంటూ కామెంట్లు చేస్తున్నారు.