కాసేపట్లో పెళ్లి.. హీరో స్టైల్‌లో ఛేజింగ్ చేసి దొంగను పట్టుకున్న వరుడు

దిశ,వెబ్‌డెస్క్: ఉత్తరప్రదేశ్‌లోని మీరట్‌లో ఆశ్చర్యకర ఘటన చోటుచేసుకుంది. పెళ్లికి సిద్ధమైన వరుడికి తాజాగా షాకింగ్ ఘటన ఎదురైంది. ఎంతో సంతోషంగా పెళ్లికి వెళ్తున్న వరుడు ఒక్కసారిగా కోపానికి గురై సినిమా లెవల్లో ఫర్మామెన్స్ ఇచ్చాడు. అసలు విషయంలోకి వెళితే.. కాసేపట్లో పెళ్లి జరగనుండగా గుర్రం పై వెళ్తున్న వరుడు ప్రమాదకర సాహసం చేసి అందరినీ ఆశ్చర్యపరిచారు. వరుడి మెడలో ఉన్న నోట్ల దండ నుంచి ఓ ట్రక్కు డ్రైవర్ నోటును దొంగిలించి వెళ్లిపోయాడు. ఈ ఘటనతో ఆ వరుడు కోపంతో ఊగిపోయాడు. దీంతో వెంటనే గుర్రం దిగిన వరుడు కారులో ట్రక్కును వెంబడించారు. ఈక్రమంలో రన్నింగ్ ట్రక్కులోకి జంప్ చేసి సినిమాలో ఛేజింగ్ మాదిరిగా డోర్ కిటికీ నుంచి లోపలికి దూకి డ్రైవర్‌ను చితకబాదాడు. ప్రస్తుతం ఈ ఘటనకు సంబంధించిన వీడియో నెట్టింట వైరల్‌గా మారింది.