ఆ విమానాశ్రయంలో బంగారం పట్టివేత

దిశ, శంషాబాద్: గుట్టు చప్పుడు కాకుండా అక్రమంగా బంగారాన్ని తరలిస్తూ కస్టమ్స్ అధికారులకు ఓ ప్రయాణికుడు పట్టుబడ్డ ఘటన శంషాబాద్ విమానాశ్రయంలో చోటు చేసుకుంది. కస్టమ్స్ అధికారులు తెలిపిన వివరాల ప్రకారం.. బుధవారం దుబాయ్ నుండి (EK-526) ఎమిరేట్స్ విమానంలో హైదరాబాద్ వచ్చేందుకు శంషాబాద్ విమానాశ్రయంలో ఓ ప్రయాణికుడు దిగాడు. విమానాశ్రయంలో కస్టమ్స్ అధికారులు తనిఖీలు నిర్వహిస్తుండగా ఆ ప్రయాణికుడిపై అనుమానం వచ్చి పూర్తిగా స్కాన్ చేయడం తో బంగారం ఉన్నట్లు గుర్తించారు. ఆ ప్రయాణికుడి లగేజ్ బ్యాగ్ లో ఉన్న బంగారాన్ని కస్టమ్స్ అధికారులు స్వాధీనం చేసుకున్నారు. ఆ బంగారం 478.520 గ్రాములు ఉంటుందని కస్టమ్స్ అధికారులు తెలిపారు. సుమారుగా దాని విలువ రూ.24 లక్షల 820 వేలు ఉంటుందని వివరించారు. ఆ ప్రయాణికుడిని అదుపులోకి తీసుకుని, కేసు నమోదు చేసి విచారిస్తున్నట్లు తెలిపారు.