Samantha: హీరోలకు పోటీ.. త్వరలోనే తాప్సీ-సమంత మల్టీస్టారర్!

దిశ, వెబ్‌డెస్క్: Samantha To do a Multi star Movie Under Taapsee Banner| ఇండస్ట్రీలో లేడీ ఓరియెంటెడ్ సినిమాలతో తాప్సీ-సమంతలు దూసుకుపోతున్నారు. ఈ తరహా చిత్రాలతో బాలీవుడ్‌లో తాప్సీ, టాలీవుడ్‌లో సమంతా సత్తాచాటుతున్నారు. అయితే, త్వరలోనే వీరిద్దరు కలిసి ఒకే సినిమాలో కనిపించబోతున్నారనే వార్త ఇండస్ట్రీ వర్గాల్లో హల్‌చల్ చేస్తోంది. ప్రస్తుతం తాప్సీ టీమిండియా స్టార్ క్రికెటర్ మిథాలీ రాజ్ బయోపిక్ 'శభాష్‌ మిథూ' చిత్రంలో నటిస్తోంది. ఈ చిత్ర షూటింగ్ తుది దశకు చేరుకోవడంతో తాప్సీ ప్రమోషన్స్‌లో బిజీగా ఉంది.

ఈ ప్రమోషన్స్‌లో భాగంగా ఇచ్చిన ఓ ఇంటర్వ్యూలో ఆమె సమంతతో సినిమా విషయమై కీలక వ్యాఖ్యలు చేసింది. ''సమంత, నేను కలిసి పనిచేయబోతున్నాం. ఆ ప్రాజెక్ట్‌ను త్వరలోనే ప్రకటిస్తాం. అందులో సమంత మెయిన్ లీడ్ చేస్తుంది. నేను నిర్మాతగా వ్యవహరిస్తాను. ఒకవేళ దాంట్లో నేను చేయగలిగే క్యారెక్టర్ ఏదైనా ఉంటే కచ్చితంగా చేస్తాను. ఈ ప్రాజెక్ట్‌‌ను నిర్మించడం సంతోషంగా భావిస్తున్నాను" అంటూ చెప్పుకొచ్చింది. అది తెలుసుకున్న ఫ్యాన్స్ ఫుల్ ఖుషీ అవుతున్నారు. ప్రస్తుతం సమంత విజయ్ దేవరకొండతో 'ఖుషీ', గుణశేఖర్‌తో 'శాకుంతలం' సినిమాల్లో నటిస్తోంది.