దిశ, వెబ్ డెస్క్: రష్యా, ఉక్రెయిన్ మధ్య యుద్ధం రోజురోజుకు తారా స్థాయికి చేరుకుంటుంది. ఈ నేపథ్యంలోనే రష్యా మిలటరీ దళాలు ఉక్రెయిన్ వాయు ధళాన్నీ టార్గెట్ చేసుకుని దాడులు చేస్తుంది. ఇందులో భాగంగా ప్రపంచంలోనే అతిపెద్ద కార్గో విమానం అయిన ఉక్రెయిన్ కు చెందిన ఫ్లాగ్ మ్యాన్ ఎయిర్ క్రాఫ్ట్ An-225 ను రష్యా బలగాలు ధ్వంసం చేశాయి. ఈ విషయాన్ని ఉక్రెయిన్ స్టేట్ డిఫెన్స్ వర్గాలు వెల్లడించాయి. కైవ్ ప్రాంతంలో ఉన్న హోస్టోమెల్ విమానాశ్రయంపై రష్యా దళాలు చేసిన దాడిలో కార్గో విమానం ధ్వంసం అయింది.
దానిని బాగు చేయడానికి సుమారు. USD 3 బిలియన్లకు పైగా ఖర్చుతో పాటు చాలా సమయం పడుతుందని ఉక్రో బోరాన్ ప్రోమ్ వారు తెలిపారు. ఈ విమానాన్ని(An-225 Mriya) 1980 లో రూపొందించారు. ఇది ప్రపంచంలోనే ఇప్పటి వరకు నిర్మించిన అత్యంత పొడవైన, బరువైన విమానం. ఇది 640 టన్నుల వరకు సరుకును మోసుకెళ్లగలదు. ఉక్రేనియన్ ఏరోనాటిక్స్ కంపెనీ ఆంటోనోవ్ చేత ఈ భారీ విమానం తయారు చేయబడింది.