మహిళల కోసం ఆర్టీసీ బంపర్ ఆఫర్

దిశ, తెలంగాణ బ్యూరో : అంతర్జాతీయ మహిళా దినోత్సవం సందర్భంగా తెలంగాణ ఆర్టీసీ కొత్త ఆఫర్​ను ప్రకటించింది. గతంలో పిల్లల దినోత్సవం రోజు పిల్లలకు ఉచితంగా బస్సు ప్రయాణం అందించిన ఆర్టీసీ.. తాజాగా మహిళలకు సైతం ఫ్రీగా బస్ జర్నీ చేసే అవకాశం ఇచ్చింది. మార్చి 8న (మంగళవారం) మహిళా దినోత్సవం సందర్భంగా 60 ఏళ్లు పైబడిన మహిళలకు రాష్ట్రమంతా ఉచిత ప్రయాణాన్ని అందించనున్నట్లు ప్రకటించింది. 60 ఏళ్లు పైబడిన మహిళలందరూ వారి ఐడీ కార్డులతో ప్రయాణం చేయాలని సూచించింది. అదే విధంగా ఆర్డినరీ, ఎక్స్‌ప్రెస్ బస్సుల్లో గర్భిణులు, పాలిచ్చే తల్లుల కొరకు రెండేసి సీట్లు కేటాయిస్తూ టీఎస్ ఆర్టీసీ నిర్ణయం తీసుకుంది.

దీనితో పాటుగా హైదరాబాద్​ జంట నగరాల్లో ట్రావెల్​యూజ్​ టికెట్​ ధరను రూ. 100 నుంచి రూ. 80కి తగ్గించారు. మహిళల కోసం ఈ ఆఫర్​ ఈ నెల 8 నుంచి 14 వరకు వర్తింపచేయనున్నట్లు తెలిపారు. అదే విధంగా వరంగల్​, హన్మకొండ జంట నగరాల్లో కూడా ట్రావెల్​ యూజ్​ టికెట్​ను రూ. 80 నుంచి రూ. 50కి తగ్గించినట్లు ఆర్టీసీ ఎండీ సజ్జనార్​ వెల్లడించారు.