RRR: మునుపెన్నడు లేని విధంగా RRR ను ఎంజాయ్ చెయ్యాలా? అయితే ఈ ట్వీట్ మీకోసమే

దిశ, సినిమా: దర్శక ధీరుడు రాజమౌళి (Rajamouli) తెరకెక్కించిన RRR చిత్రం ఇప్పటికే అనేక రికార్డులను సాధించడంతో పాటు కొత్త రికార్డులను సృష్టించింది. రామ్ చరణ్ (Ram Charan), ఎన్టీఆర్ (NTR) కాంబోలో వచ్చిన ఈ మూవీ ప్రపంచ వ్యాప్తంగా (Worldwide) భారత చలన చిత్ర పరిశ్రమ సత్తాను చాటింది. అంతే కాకుండా.. ఇందులోని ‘నాటునాటు’ పాటతో అస్కార్ (Oscar) అవార్డును సైతం అందుకుని చరిత్ర సృష్టించింది. ఇక బాక్సాఫీస్ (box office) వద్ద ఈ సినిమా చేసిన హంగామా అంతా ఇంతా కాదు. ఈ క్రమంలోనే ఆర్ఆర్ఆర్ మూవీ దేశంలోనే కాకుండా విదేశాల్లోనూ అద్భుతమైన ప్రేక్షకాదరణ పొందింది.

ఇదిలా ఉంటే.. ఇప్పుడు ఈ చిత్రం మరో అద్భుతాన్ని సృష్టించడానికి సిద్ధం అవుతోంది. ఈ మేరకు లండన్ (London)లో రాయల్ ఫిల్హార్మోనిక్ ఆర్కెస్ట్రా ప్రదర్శించబోతున్నారు. ఈ విషయాన్ని తెలియజేస్తూ.. ‘నమస్తే లండన్.. మునుపెన్నడూ లేని విధంగా #RRRMovie అద్భుతాన్ని అనుభవించండి! ఐకానిక్‌లో మాతో చేరండి. రాయల్ ఫిల్హార్మోనిక్ ఆర్కెస్ట్రా ద్వారా లైవ్ ఫిల్మ్-ఇన్-కాన్సర్ట్ ప్రదర్శన 2025 మే 11న @RoyalAlbertHall లో జరగబోతుంది. ఆస్కార్-విజేత స్వరకర్త M.M. KEERAVAANI'S మ్యాజిక్‌ను అనుభవించండానికి మీరు సిద్ధంగా ఉన్నట్లు అయితే మీ టిక్కెట్లను ఇప్పుడే బుక్ చేసుకోండి WWW.ROYALALBERTHALL.COM’ అంటూ పోస్టర్ రిలీజ్ చేశారు.