5 రోజుల్లోనే రికార్డు బద్దలు కొట్టిన 'RRR'.. ఎంత వసూలు చేసిందంటే..

దిశ, వెబ్‌డెస్క్: రాజమౌళి తెరకెక్కించిన ఆర్‌ఆర్‌ఆర్ చిత్రం బాక్సాఫీస్ వద్ద రోజుకో చరిత్ర సృష్టిస్తోంది. రామ్ చరణ్, జూనియర్ ఎన్టీఆర్, అలియా భట్, అజయ్ దేవగన్, ఒలివియా మోరిస్, రే స్టీవెన్సన్, అలిసన్ డాడీ తదితరులు నటించిన ఈ చిత్రం ఇప్పుడు ప్రపంచవ్యాప్తంగా 600 కోట్ల రూపాయలకు పైగా వసూలు చేసింది. ఫిల్మ్ ఇండస్ట్రీ ట్రాకర్, మనోబాల విజయబాలన్ ట్వీట్ చేస్తూ.. "వరల్డ్ వైడ్ బాక్స్ ఆఫీస్ కేవలం 5 రోజుల్లో ₹600 కోట్ల క్లబ్‌లోకి ప్రవేశించిందని.. 1వ రోజు - ₹ 257.15 కోట్లు, 2 రోజు - ₹ 114.38 కోట్లు, 3 రోజు - ₹ 118.63 కోట్లు, 4 రోజు - ₹ 72.80 కోట్లు, 5 రోజు - ₹ 58.46 కోట్లు మొత్తం- ₹ 621.42 కోట్లు వసూళ్లు రాబట్టి చరిత్ర సృష్టించిందని తన ట్వీట్టర్ ద్వారా తెలియజేశారు.

రాజమౌళి ఎపిక్ యాక్షన్ 'బాహుబలి' సిరీస్‌లోని మొదటి చిత్రం 'బాహుబలి: ది బిగినింగ్' జీవితకాల కలెక్షన్లను 'RRR' త్వరలో అధిగమించనుంది. ఇది మొత్తం థియేట్రికల్ రన్‌లో దాని డబ్బింగ్ హిందీ వెర్షన్‌లో సుమారు రూ. 118 కోట్లు వసూలు చేసింది. 'RRR' హిందీ వెర్షన్ ఐదు రోజుల్లోనే 107.59 కోట్లు వసూలు చేసింది.