సంచలన ప్రకటన చేసిన ఆర్జీవీ బ్యూటీ.. ఆ నిర్ణయాన్ని మార్చుకున్నానంటూ పోస్ట్

దిశ, సినిమా: కేరళ బ్యూటీ శ్రీలక్ష్మీ సతీష్(Sri Lakshmi Satish) ఇటీవల చీరకట్టులోని ఫొటోలు షేర్ చేసి సోషల్ మీడియాను షేక్ చేసింది. దీంతో ఫిదా అయిన టాలీవుడ్ డైరెక్టర్ రామ్ గోపాల్ వర్మ(Ram Gopal Varma) ‘శారీ’(saaree) సినిమాలో హీరోయిన్‌గా సెలెక్ట్ చేసుకున్నారు. ఈ చిత్రంతో ఈ అమ్మడు ఆరాధ్య దేవి(Aradhya Devi)గా తెలుగు ఇండస్ట్రీకి పరిచయం కాబోతుంది. అయితే ఈ ‘శారీ’(saaree) మూవీ పాన్ ఇండియా రేంజ్‌లో విడుదల కాబోతుంది. ఇటీవల విడుదలైన గ్లింప్స్ హైప్‌ను క్రియేట్ చేశాయి.

ఇదిలా ఉంటే.. తాజాగా, ఈ బ్యూటీ ఓ సంచలన ప్రకటన చేసింది. ‘‘గతంలో నేను గ్లామర్ పాత్రలకు దూరంగా ఉంటానని ప్రమాణం చేశాను. ఇప్పుడు నేను నా అభిప్రాయం మార్చుకున్నాను. కాలం మారుతున్న కొద్దీ మన అభిప్రాయాలు మారుతాయంటారు. అలాగే జీవిత అనుభవాలే మన నిర్ణయాలను మారుస్తాయి. అయితే గ్లామర్ పాత్రలు చేయకూడదని నేను గతంలో నిర్ణయించుకున్నాను.

22 ఏళ్ల వయసులో నేను తీసుకున్న నిర్ణయాన్ని ఇప్పుడు మార్చుకుంటున్నా. గ్లామర్ అనేది చాలా వ్యక్తిగతమైనది. అయితే ఇప్పుడు అది నా వృత్తిలో భాగం అయింది. నటిగా వైవిధ్యంగా ఉండటం చాలా ముఖ్యం. కాబట్టి గ్లామరస్‌గా ఉన్నా, లేకపోయినా ఎలాంటి పాత్రల్లో నటించడానికైనా నేను సిద్ధమే. ఉత్తమ పాత్రల కోసం ఎదురు చూస్తున్నాను’’ అని రాసుకొచ్చింది. దీంతో అది చూసిన నెటిజన్లు ఇక నుంచి ఎంతలా హాట్ షో చేస్తుందో ఇక తట్టుకోలేమని అంటున్నారు.