కుర్రాళ్లకు మత్తెక్కించనున్న రష్మిక.. ఐటెం సాంగ్‌కు గ్రీన్ సిగ్నల్

దిశ, సినిమా: నేషనల్‌ క్రష్‌ రష్మిక మందన్నా సమంతను ఫాలో అవుతున్నట్లు తెలుస్తోంది. ప్రస్తుతం సౌత్‌, నార్త్‌లో వరుస ఆఫర్లతో దూసుకుపోతున్న నటి, హీరోయిన్‌గానే కాదు స్పెషల్‌ సాంగ్స్‌ చేయడానికీ సై అంటోంది. ఇటీవల వచ్చిన 'పుష్ప'లో సమంత 'ఊ అంటావా మావా' అంటూ కుర్రాళ్లను ఉర్రూతలూగించగా ఇప్పుడు రష్మిక కూడా ఐటెం సాంగ్ చేయడానికి గ్రీన్ సిగ్నల్ ఇచ్చినట్లు తెలుస్తోంది. బాలీవుడ్‌ హీరో రణ్‌బిర్‌ కపూర్‌, అర్జున్‌ రెడ్డి ఫేం సందీప్‌ వంగ కాంబోలో వస్తున్న 'యానిమల్‌' మూవీలో స్పెషల్ సాంగ్‌ చేయడానికి సిద్ధమైన రష్మిక ఈ పాటకోసం భారీ పారితోషికం కూడా డిమాండ్ చేసినట్లు సమాచారం. సమంత ఒక్క పాటకోసం కోటికి పైగా తీసుకోగా రష్మిక ఏకంగా రెండు కోట్లు అడిగి మేకర్స్‌కు షాక్ ఇచ్చినట్లు తెలుస్తోంది. అయితే ప్రస్తుతం తనకున్న క్రేజ్ కారణంగా నిర్మాతలు కూడా ఇవ్వడానికి ఓకే చెప్పినట్లు సినీ వర్గాల్లో టాక్ నడుస్తోంది.