సౌత్ ఇండస్ట్రీ రుణం ఎప్పటికీ తీర్చుకోలేను.. స్టార్ నటి

దిశ, సినిమా : యంగ్ బ్యూటీ రకు‌ల్‌ప్రీత్​సింగ్ ప్రస్తుతం బాలీవుడ్‌‌లో సత్తా చాటుతోంది. అంతేకాదు సెలబ్రిటీ కొరియోగ్రాఫర్‌ డింపుల్‌ దగ్గర డ్యాన్స్‌ కూడా నేర్చుకుంటున్న నటి సంబంధిత వీడియోలను రీసెంట్‌గా నెట్టింట పోస్ట్ చేసింది. ఈ క్రమంలోనే 'మషూక' అనే మ్యూజిక్‌ వీడియోతో జులై 29న ప్రేక్షకుల ముందుకొచ్చిన రకుల్.. అల్ట్రా గ్లామరస్‌ లుక్‌లో దర్శనమివ్వడమే కాక తన డ్యాన్స్‌తో నెటిజన్లను ఫిదా చేసింది.

ఇక లేటెస్ట్ ఇంటరాక్షన్‌లో ఈ స్పెషల్ వీడియో గురించి ఆసక్తికర విషయాలు పంచుకున్న నటి.. 'మొదట ఈ వీడియోను హిందీ పాప్‌ సాంగ్‌గానే రూపొందించాలనుకున్నాం. కానీ నన్ను స్టార్‌ను చేసిన తెలుగు, తమిళ ప్రేక్షకులకు కూడా అందించాలనే కోరికతో మూడు భాషల్లో రికార్డ్ చేసి పాన్‌ ఇండియా సింగిల్‌గా రిలీజ్ చేశాం. సౌత్ ఇండస్ట్రీపై నా ప్రేమను వ్యక్తపరిచేందుకు దీన్ని గొప్ప అవకాశంగా భావిస్తున్నా' అంటూ సంతోషం వ్యక్తం చేసింది. ఈ పాటను రకుల్ తన బాయ్‌ఫ్రెండ్‌తో పాటు నిర్మాత జక్కీ భగ్నానీతో కలిసి రూపొందించడం విశేషం. ప్రస్తుతం ఈ వీడియో వైరల్ అవుతుండగా.. 'హ్యాట్సాఫ్ రకుల్. అద్భుతమైన ఆలోచన. నీ రీ ఎంట్రీకోసం వెయిట్ చేస్తున్నాం' అంటూ ప్రశంసలు కురిపిస్తున్నారు నెటిజన్లు.