స్టార్‌డమ్‌తో ఓవర్ యాక్షన్.. పతనం తప్పదు

దిశ, సినిమా: అందాల తార రాశీ ఖన్నా వరుస ఆఫర్లతో ఫుల్ బిజీ అయిపోయింది. ఇటీవల తాను నటించిన 'పక్కా కమర్షియల్‌'లో నటనతో ఆకట్టుకున్న బ్యూటీ.. తాజాగా ఓ ఇంటర్వ్యూలో ఆసక్తికర విషయాలు పంచుకుంది.ఈ మేరకు తాను ఎప్పుడూ స్టార్ సెలబ్రిటీగా ఫీల్ అవలేదని, కామన్‌ పీపుల్‌‌కు తనకు ఎలాంటి తేడా లేనట్లే నడుచుకుంటున్నానని తెలిపింది. అలాగే స్పిరిచ్యువల్‌ మైండ్ సెట్‌తో ఉండే తాను కెరీర్‌లో ఎంత సాధించిన స్టేటస్‌కి ప్రాధాన్యం ఇవ్వనని.. స్టార్‌డమ్‌తో విర్రవీగితే పతనం మొదలైనట్లేనని, అలాంటి వాటికి దూరంగా ఉంటానని వెల్లడించింది.

ఇక 'పక్కా కమర్షియల్‌'లో టీవీ ఆర్టిస్ట్‌గా కామెడీ చేసిన రాశీ.. ఈ క్యారెక్టర్‌ని చేయగలనా? అని కాస్త ఆందోళన‌కు గురైనట్లు తెలిపింది. ఇక ఫుల్‌ ఫ్లెడ్జ్ కామెడీ క్యారెక్టర్‌ చేయడం అనుకున్నంత ఈజీ కాదన్న ఆమె.. కానీ ఒక ఆర్టిస్ట్‌గా ఏ పాత్రనైనా చేయాలనే ఫిక్స్ అయినట్లు చెప్పుకొచ్చింది.