Sreeleela: పుష్ప-2 ఐటెమ్ సాంగ్‌ ఫొటో లీక్డ్.. ఈసారి థియేటర్ బద్దలవ్వాల్సిందే..?

దిశ, వెబ్‌డెస్క్: ఐకాన్ స్టార్ అల్లు అర్జున్(Allu Arjun) నటిస్తోన్న పుష్ప-2 (Pushpa-2) కోసం ఫ్యాన్స్ ఎంతో ఆత్రుతగా ఎదురుగా చూస్తున్నారు. సుకుమార్(Sukumar) దర్శకత్వంలో ప్రేక్షకుల ముందుకు రానున్న ఈ మూవీపై ప్రేక్షకుల్లో భారీ అంచనాలు నెలకొన్నాయి. ఇప్పటికే పుష్ప పార్ట్ -2 నుంచి విడుదైన టీజర్, పోస్టర్లు, సాంగ్స్ సినిమాపై విపరీతమైన అంచనాలు పెంచేశాయి. మైత్రీ మూవీ మేకర్స్‌, సుకుమార్‌ రైటింగ్స్ ల‌పై నవీన్‌ ఎర్నేని, రవిశంకర్‌.వైలు నిర్మిస్తున్న ఈ సినిమా డిసెంబ‌ర్ 5 తేదీన థియేటర్లలో గ్రాండ్ రిలీజ్ అవ్వనుంది. ఇకపోతే పార్ట్-1 లో ఐటెమ్ సాంగ్‌ ఏ రేంజ్‌లో జనాల్ని ఆకట్టుకుందో ప్రత్యేకంగా చెప్పాల్సిన అక్కర్లేదు. అదిరిపోయే గ్లామర్ స్టెప్పులేసి సమంత(Samantha) యువతను ఫిదా చేసిందనడంలో అతిశయోక్తి లేదు. కాగా పుష్ప-2 లో కూడా ఐటెమ్ సాంగ్ పెట్టాలని దర్శకుడు సుకుమార్ భావించారు.

కాగా ఇందుకోసం ఎవరిని ఎంపిక చేస్తున్నాడని సినీ ప్రేక్షకుల్లో ఉత్కంఠ నెలకొంది. దానికి నేడు తెర పడింది. పుష్ప రెండో భాగంలోని ఐటెమ్ సాంగ్ కు సంబంధించిన ఓ ఫొటో సోషల్ మీడియాలో వైరల్ అవ్వడంతో ఐకాన్ స్టార్ అభిమానులు ఎగిరి గంతులేస్తున్నారు. మరీ ఈసారి గ్లామర్ స్టెప్పులేసిది ఎవరనుకుంటున్నారు.. టాలీవుడ్ సెన్సేషన్ అందాల ముద్దుగుమ్మ శ్రీలీల(Sreeleela). అల్లు అర్జున్ అండ్ శ్రీలీల స్టెప్పులేస్తున్న పిక్స్ నెట్టింట వైరల్ అవుతోంది. ఇందులో ఈ బ్యూటీ చాలా హాట్ గా కనిపించనున్నట్లుగా తెలుస్తోంది. కిస్సిక్ అంటూ ఈ ఐటెమ్ సాంగ్ సాగ‌నుంద‌ని ఇప్పటికే చిత్ర బృందం తెలిపిన విషయం తెలిసిందే. ప్రస్తుతం శ్రీలీల-బన్నీ లీక్డ్ ఫొటోను జనాలు సోషల్ మీడియాలో తెగ వైరల్ చేస్తున్నారు.